2021 میں کتنی مالیت کی کرپٹو کرنسی چوری ہوئی؟

گزشتہ برس (2021) میں کروڑوں ڈالر مالیت کی کرپٹو کرنسی چوری ہونے کا انکشاف ہوا ہے۔

کرپٹو کرنسی لین دین کی اہم ترین ویب سائٹ کرپٹو ڈاٹ کام نے اعتراف کیا ہے کہ سال 2021 میں ہیکروں نے مختلف حملوں میں 30 کروڑ ڈالر مالیت کی کرپٹو کرنسی چوری کی۔

اپنے تازہ بلاگ میں کرپٹو ڈاٹ کام نے بتایا کہ ہیکروں نے گزشتہ برس کے دوران 4836 ای ٹی ایچ (ایتھریئم) اور 443 بٹ کوائن پر ہاتھ صاف کیے۔

ہیکروں نے بڑی کارروائیوں کے ساتھ ساتھ چھوٹی ‘وارداتیں’ بھی کیں، اور اس دوران کمپنی سے مزید 66 ہزار ڈالر بھی چرائے، کمپنی کا کہنا ہے کہ لگ بھگ 483 صارفین کے اکاؤنٹس پر سائبر حملے کیے گئے اور سب سے کچھ نہ کچھ چرایا گیا ہے۔

کمپنی کا کہنا تھا کہ اس پریشان کن خبر سے صارفین کو تشویش کا شکار نہیں ہونا چاہیے، کیوں کہ تمام صارفین کو موجودہ ریٹس کے حساب سے مکمل ادائیگی کی جائے گی۔

کمپنی کے مطابق سب سے بڑی سرگرمی 17 جنوری 2022 کو دیکھی گئی جب چند اکاؤنٹس پر غیر معمولی سرگرمیاں اور چوری کی واردات نوٹ کی گئی، ان ادائیگیوں میں ٹو ایف اے لین دین کے نظام سے ہٹ کر کارروائی کی گئی تھی۔

اگرچہ مشکوک سرگرمی نوٹس میں آتے ہی سیکیورٹی عملے نے فوری طور پرپورے سسٹم کو منجمند کر دیا تھا لیکن اس وقت تک کافی دیر ہو چکی تھی۔

کرپٹو ڈاٹ کام ایکسچینج نے صارفین کو یقین دلایا ہے کہ وہ اب سیکیورٹی کا مزید سخت نظام بنا رہے ہیں، جس کے لیے صارفین جلد ازجلد نئے آرکیٹیکچر پر منتقل ہونے کی ضرورت ہے۔

The post 2021 میں کتنی مالیت کی کرپٹو کرنسی چوری ہوئی؟ appeared first on ARYNews.tv | Urdu - Har Lamha Bakhabar.

from عالمی خبریں – ARYNews.tv | Urdu – Har Lamha Bakhabar https://ift.tt/3KAguKA