تھیلیسمیا کا علاج کروانے سے قاصر ماں نے 3 ماہ کے بیٹے کو قتل کردیا

پشاور: خیبر پختونخواہ کے شہر مردان میں ماں نے اپنے 3 ماہ کے بچے کو قتل کردیا، ملزمہ کے 2 بیٹے تھیلیسمیا کے باعث کچھ عرصہ قبل انتقال کر گئے تھے اور اسے شک تھا کہ تیسرا بیٹا بھی اس مرض کا شکار ہے۔

تفصیلات کے مطابق مردان کے علاقے خٹ کلی عمر آباد میں ماں نے اپنے 3 ماہ کے بچے کو قتل کردیا، پولیس نے ملزمہ کو گرفتار کر کے قتل کا مقدمہ درج کیا ہے۔

پولیس کا کہنا ہے کہ مقتولہ کو شک تھا کہ بچہ تھیلیسمیا میں مبتلا ہے، چند ماہ قبل ملزمہ کے 2 بیٹے تھیلیسمیا کے باعث انتقال کر گئے تھے۔

بچے کی لاش پوسٹ مارٹم کے لیے اسپتال منتقل کردی گئی ہے، بچے کا باپ روزگار کمانے کے لیے سعودی عرب میں مقیم ہے۔

from پاکستان – ARYNews.tv | Urdu – Har Lamha Bakhabar https://ift.tt/zokF7Na