کراچی میں بس کنڈیکٹر نے خاتون مسافر کو تھپڑ جڑ دیا، ویڈیو سامنے آگئی

کراچی میں منی بس کے کنڈیکٹر نے خاتون مسافر کو بے دردی سے تھپڑ جڑ دیا۔ اے آر وائی نیوز پر خبر نشر ہونے کے بعد پولیس کی دوڑیں لگ گئیں۔

اورنگی ٹاؤن میں دکان پر لگے کیمرے نے کنڈیکٹر کی حرکت ریکارڈ کرلی۔ ویڈیو میں دیکھا جا سکتا ہے کہ کنڈیکٹر نے سیٹ پر بیٹھی خاتون مسافر کو کس بے دردی سے زناٹے دار تھپڑ مارا۔

خاتون نے اسے دھکیلنے کی کوشش کی۔ کنڈیکٹر کسی شرمندگی کے بغیر بڑی ڈھٹائی سے بس سے باہر آیا، خاتون کو بس سے نیچے اترنے کے اشارے کرتا رہا۔

A CCTV footage has captured a bus conductor beating a woman passenger in Mominabad area of Karachi! @sindhpolicedmc8 should identify the culprit and take action (visual via @ahmedfaridi2 )pic.twitter.com/9gxEqi9aVR

— Naimat Khan (@NKMalazai) March 4, 2022

ٹرانسپورٹ اتحاد کے صدر ارشاد بخاری کنڈیکٹر کو شناخت تو نہ کر سکے لیکن ان کا کہنا ہے کہ خاتون نے شکایت کی تو کنڈیکٹر کو جیل بھجوانے میں مدد کروں گا۔

دوسری جانب اے آر وائی نیوز پر خبر نشر ہونے کے بعد پولیس کی دوڑیں لگ گئیں۔ ٹریفک پولیس نے خاتون مسافر سے بدتمیزی کرنے والی گاڑی کو ڈھونڈ نکالا۔ ٹریفک پولیس شیر شاہ نے مسافر بس کا چلان کر کے بس تحویل میں لے لی۔

ٹریفک پولیس کا کہنا ہے کہ بس ڈرائیور نے کل کنڈیکٹر کو لانے کا وعدہ کیا ہے، خاتون مسافر سے بدتمیزی کرنے والے کنڈیکٹر کے خلاف کارروائی کی جائے گی۔

from پاکستان – ARYNews.tv | Urdu – Har Lamha Bakhabar https://ift.tt/FCbIiq0