روس اور یوکرین سے متعلق ترکی کا اہم اعلان

ترکی کے صدر رجب طیب اردوان نے کہا ہے کہ ان کا ملک کو روس اور یوکرین دونوں ملکوں کے ساتھ قریبی تعلقات رکھے گا۔

غیر ملکی میڈیا کے مطابق ترک صدر نے یہ بات ترکی کے دورے پر آئے ہوئے جرمن چانسلر اولاف شولز کے ساتھ مشترکہ پریس کانفرنس کرتے ہوئے کہی۔

پریس کانفرنس میں جب رجب طیب اردوان سے سوال کیا گیا کہ کیا ترکی روس کیخلاف بین الاقوامی پابندیوں کی تعمیل کرے گا جس کے جواب میں انہوں نے کہا کہ ترکی کو کیف اور ماسکو دونوں کے ساتھ قریبی تعلقات برقرار رکھنا ہوں گے۔

ترک صدر نے جہاں تک پابندیوں کے معاملے کا تعلق ہے تو اس پر ہم نے اقوام متحدہ کے قوانین کے فریم ورک کے اندر اب تک جو ضروری تھا وہ کیا ہے لیکن ترکی کو یوکرائن صدر ولادیمیر زیلنسکی اور روسی صدر ولادیمیر پیوٹن کے ساتھ دوستی برقرار رکھنی ہے۔

اردوان نے مزید کہا ہم نے روس کے یوکرین پر حملے کے بعد یوکرین کیلیے وہ کچھ کیا ہے جو نیٹو ممالک بھی نہیں کرسکے ہیں۔

اس موقع پر جرمن چانسلر اولاف شولز کا کہنا تھا کہ یوکرین بحران کے حوالے سے ترکی اور جرمنی کے تحفظات مشترکہ ہیں اور ہم سب کی جنگ بندی کو ناگزیر سمجھتے ہوئے جنگ بندی کی ضرورت پر اتفاق کرتے ہیں۔

from عالمی خبریں – ARYNews.tv | Urdu – Har Lamha Bakhabar https://ift.tt/93okQsa