مزید پڑھیں: عدم اعتما پر وزیراعظم کی کورکمیٹی کو پُراعتماد رہنے کی ہدایت

اپوزیشن کی پھرتیوں اور علیم خان کی جہانگیر ترین گروپ میں شمولیت کے بعد وزیراعظم بھی متحرک ہوگئے آج سینئر پارٹی رہنماؤں کو بلالیا۔

اے آر وائی نیوز کے مطابق حکومت کیخلاف اپوزیشن کی پھرتیوں اور علیم خان کی جہانگیر ترین گروپ میں شمولیت کے بعد وزیراعظم عمران خان بھی متحرک ہوگئے اور انہوں نے مشاورت کیلیے پی ٹی آئی کے سینئر رہنماؤں کو آج طلب کرلیا ہے۔

ذرائع کے مطابق وزیراعظم عمران خان نے سینئر پارٹی قائدین کو آج وزیراعظم ہاؤس بلایا ہے۔

ذرائع نے بتایا کہ اس بیٹھک میں پنجاب میں ناراض رہنماؤں کی سرگرمیوں بالخصوص علیم خان کی جہانگیر ترین گروپ میں شمولیت کے تناظر میں مشاورت کی جائیگی۔

اجلاس میں اپوزیشن کی مجوزہ تحریک عدم اعتماد کو ناکام بنانے کی حکمت عملی پر بھی غور کیا جائیگا۔

موجودہ سیاسی ہلچل کے باعث آج ہونے والا وفاقی کابینہ کا اجلاس پہلے ہی ملتوی کیا جاچکا ہے

واضح رہے کہ وزیراعظم عمران خان کی زیرصدارت کور کمیٹی کا اجلاس پیر کے روز ہوا جس میں موجودہ سیاسی صورتحال پر کھل کر گفتگو کی گئی۔

مزید پڑھیں: عدم اعتما پر وزیراعظم کی کورکمیٹی کو پُراعتماد رہنے کی ہدایت

کور کمیٹی اجلاس میں وزیراعظم نے تمام ارکان کوضروری ہدایات دیں اور کہا کہ 3 ہفتوں میں سب کچھ سامنےآجائے گا سب ٹھیک بھی ہوجائےگا آپ سب لوگ نہ صرف پُراعتماد رہیں بلکہ پُراعتماد نظر بھی آئیں۔

from پاکستان – ARYNews.tv | Urdu – Har Lamha Bakhabar https://ift.tt/QbP1wY9