کراچی میں سمندر کی ٹھنڈی ہوائیں چل پڑیں، موسم خوشگوار

کراچی: صوبہ سندھ کے دارالحکومت کراچی میں سمندر کی ٹھنڈی ہوائیں چلنے کے باعث موسم خوشگوار ہوگیا، آج زیادہ سے زیادہ درجہ حرارت 33 سے 35 ڈگری سینٹی گریڈ رہنے کا امکان ہے۔

تفصیلات کے مطابق شہر قائد میں ٹھنڈی سمندری ہواؤں کے باعث موسم خوشگوار ہے، محکمہ موسمیات کا کہنا ہے کہ شہر میں کم سے کم درجہ حرارت 23.5 ڈگری سینٹی گریڈ ریکارڈ کیا گیا۔

محکمہ موسمیات کے مطابق آج زیادہ سے زیادہ درجہ حرارت 33 سے 35 ڈگری سینٹی گریڈ رہنے کا امکان ہے، صبح کے وقت شہر کا درجہ حرارت 28 ڈگری سینٹی گریڈ ریکارڈ کیا گیا۔

شہر میں چلنے والی ہوا میں نمی کا تناسب 83 فیصد ہے۔

from پاکستان – ARYNews.tv | Urdu – Har Lamha Bakhabar https://ift.tt/CNtIROm