غیرت کے نام پر لڑکی کا سفاکانہ قتل : باپ اور بھائی گرفتار

غیرت کے نام پر باپ اور بھائی نے جواں سال لڑکی کو قتل کردیا، ملزمان نے مقتولہ کو رات کی تاریکی میں چپ چاپ دفنا بھی دیا۔

19سالہ مدینہ نامی لڑکی کو قتل کرکے دفنا دیا، پولیس نے ملزمان باپ بیٹا کو گرفتار کرلیا، ملزمان نے دوران تفتیش قتل کا اعتراف کرلیا۔

مقتولہ کے والد نے پولیس کو بیان دیا ہے کہ مقتولہ مدینہ کسی اور کو پسند کرتی تھی، ہم نے اس کی منگنی کسی اور جگہ کردی تھی۔

پولیس کے مطابق اپنی والدہ سے پسند کا اظہار کرنے والی لڑکی نے بھائی نے تشدد کرکے اپنی بہن کو قتل کیا اور خودکشی کا رنگ دیا۔

مقتولہ کے لواحقین نے اہل محلہ کو بتایا کہ لڑکی پسند کی شادی کرنا چاہتی تھی انکار پر خود کشی کرلی، واردات کے بعد ملزمان باپ بیٹے نے لڑکی کو افغان بستی کے قریب دفن کردیا تھا۔

from پاکستان – ARYNews.tv | Urdu – Har Lamha Bakhabar https://ift.tt/3qN8xDl