کویت میں مقیم غیرملکیوں کیلئے بڑی سہولت کا اعلان

کویت سٹی: کویتی وزارت صحت نے اعلان کیا ہے کہ وزارت صحت اور وزارت داخلہ کے درمیان ہم آہنگی کے ساتھ دونوں فریقوں کے درمیان آٹومیٹک نظام کو جوڑ کر پاسپورٹ کے نئے نمبروں کو "خودکار” طریقے سے امیون ایپلی کیشن میں اپ ڈیٹ کیا جائے گا۔

نوٹ کرتے ہوئے کہ اس میں وہ شہری اور رہائشی شامل ہیں جو اپنے پاسپورٹ کی تجدید کرواتے ہیں، الغریب نے کہا کہ اپڈیٹ میں ایسے شہریوں اور غیرملکیوں کے پاسپورٹ شامل ہوں گے جنہوں نے14اپریل تک اپنے پاسپورٹ کی تجدید کی ہے۔

انہوں نے اشارہ کیا کہ شہریوں اور رہائشیوں کے پاسپورٹ کی تجدید کرتے وقت وزارت صحت اور داخلہ کے درمیان آٹومیٹک لنک کے ذریعے پاسپورٹ کی تجدید ہونے کے بعد وہ خود بخود "منا” ایپلی کیشن میں اپڈیٹ ہوجائیں گے۔

انہوں نے اس بات کی نشاندہی کرتے ہوئے کہا کہ یہ طریقہ کار شہریوں اور ملک میں بسنے والے تمام غیرملکیوں کی سہولت کے لیے ہے۔

انہوں نے مزید کہا کہ جس نے بھی14 اپریل سے پہلے اپنے پاسپورٹ کی تجدید کروائی ہے وہ مشرف میں کویت ویکسی نیشن سینٹر کا دورہ کرے اور نیا پاسپورٹ نمبر اپڈیٹ کرائیں تاکہ اسے ایپلی کیشن میں تبدیل کیا جا سکے۔

یاد رہے کہ گزشتہ روز مقامی خبررساں ادارے نے وزارت صحت کے ذرائع کا حوالہ دیتے ہوئے کہا تھا کہ شہریوں و غیرملکیوں کی جانب سے تجدید کرائے گئے پاسپورٹ نمبر کو امیون ایپلی کیشن پر اپڈیٹ کرنے کے لئے وزارت نے ایک واٹس ایپ نمبر 0096524971010 جاری کیا ہے جہاں وہ اپنے مطلوبہ دستاویزات بھیج کر پاسپورٹ نمبر کو امیون ایپلی کیشن میں اپڈیٹ کرا سکتے ہیں۔

from عالمی خبریں – ARYNews.tv | Urdu – Har Lamha Bakhabar https://ift.tt/DhWf6Vp