عید کی چھٹیاں ختم: ’چلیں اب کام پر واپس آجائیں‘

اسلام آباد: وزیر اعظم شہباز شریف کا کہنا ہے کہ امید ہے سب نے تعطیلات میں اہل خانہ کے ساتھ بھرپور وقت گزارا، چلیں اب کام پر واپس آجائیں۔

تفصیلات کے مطابق وزیر اعظم شہباز شریف نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ صبح بخیر، امید ہے سب نے تعطیلات میں اہل خانہ کے ساتھ بھرپور وقت گزارا اور خوب آرام کیا۔

وزیر اعظم نے کہا کہ چلیں اب کام پر واپس آجائیں۔

Subh bakhair. Hope you all had wonderful time with your families during Eid holidays & rested well…

Let us get back to work now!

— Shehbaz Sharif (@CMShehbaz) May 6, 2022

خیال رہے کہ عید الفطر کی 02 سے 05 مئی 2022 تک 4 روزہ تعطیلات کے بعد آج جمعہ 06 مئی سے تمام سرکاری و نجی دفاتر کھل چکے ہیں۔

ہر وقت کام میں جتے رہنے کے لیے مشہور وزیر اعظم شہباز شریف اس سے قبل رمضان المبارک کے دوران سرکاری دفاتر کے اوقات کار میں بھی اضافہ کرچکے ہیں جبکہ انہوں نے ہفتے کی چھٹی ختم کرنے کا بھی اعلان کیا تھا۔

from پاکستان – ARYNews.tv | Urdu – Har Lamha Bakhabar https://ift.tt/Lc1hKOH