بنگلہ دیش کسی کے دباؤ میں نہیں آئیگا، حسینہ واجد کا دبنگ اعلان

بنگلہ دیش کی وزیراعظم شیخ حسینہ واجد نے کہا ہے کسی دباؤ کے سامنے نہیں جھکیں گے، عوام کو ہم پر بھروسہ اور  اسی طاقت کیساتھ آگے بڑھیں گے۔

بنگلہ دیش کے دارالحکومت ڈھاکا میں اپنے دفتر میں پریس کانفرنس کرتے ہوئے بنگلہ وزیراعظم شیخ حسینہ واجد نے دوٹوک الفاظ میں دنیا کو پیغام دے دیا ہے کہ بنگلہ دیش کسی کے دباؤ میں آئے گا اور نہ اس کے آگے جھکے گا، ملک کے عوام کو ہم پر بھروسہ ہے اور ہم اسی طاقت کے ساتھ ملک کی تعمیر وترقی کے لیے آگے بڑھیں گے۔

اس موقع پر انسانی حقوق سے متعلق پوچھے گئے ایک سوال کے جواب میں انہوں نے کسی کا بھی نام لیے بغیر کہا کہ قاتلوں کو پناہ دینے والوں کو انسانی حقوق کون سکھائے گا؟ جس ملک میں اسکولوں میں فائرنگ، طلبا کی ہلاکت، پولیس کے ہاتھوں سڑکوں پر لوگوں کا گلا گھونٹنے کے واقعات تواتر سے ہو رہے ہوں، کیا وہ ہمیں انسانی حقوق سکھائیں گے؟

بنگلہ دیش کی وزیراعظم حسینہ واجد نے زور دیتے ہوئے کہا کہ بنگلہ دیش اپنے اعتماد اور عوام کی طاقت کے ساتھ آگے بڑھتا رہے گا۔

from عالمی خبریں – ARYNews.tv | Urdu – Har Lamha Bakhabar https://ift.tt/Uein967