یوکرین کا کوئلے اور گیس کی برآمدات بند کرنے کا اعلان

یوکرینی صدر زیلنسکی نے موسم سرما میں کوئلے اور گیس کی برآمدات بند کرنے کا اعلان کردیا۔

غیرملکی خبررساں ادارے کی رپورٹ کے مطابق یوکرینی صدر زیلنسکی نے اعلان کیا ہے کہ کوئلے اور گیس کی برآمدات بند کردیں گے مشکل موسم سرما ہوگا اس لیے برآمد روکنے کا منصوبہ ہے۔

پابندی کب تک رہے گی اس سے متعلق یوکرینی صدر نے کچھ نہیں کہا۔

دوسری جانب وزیر اعظم ڈینس شمیگل نے کہا کہ اس سے قبل یوکرین کی سرکاری کانوں میں کوئلے کی پیداوار میں فروری کے آخر سے ایک تہائی کمی واقع ہوئی تھی اور انہوں نے سفارش کی تھی کہ "یوکرین کے اب تک کے سب سے مشکل ہیٹنگ سیزن کے لیے تیار رہیں۔”

حکومت نے تیل اور گیس کی سرکاری کمپنی نفتوگاز کو کم از کم 19 بلین کیوبک میٹر گیس یوکرین کے زیر زمین اسٹوریج کی سہولیات میں جمع کرنے کا کام سونپا۔

 شمیگل کے مطابق یوکرین نے اپنا پچھلا ہیٹنگ سیزن مکمل کیا اور اس کے ذخیروں میں 9 بلین کیوبک میٹر گیس باقی تھی اور یکم جون تک ملک کے پاس 10 بلین کیوبک میٹر گیس موجود تھی۔

from عالمی خبریں – ARYNews.tv | Urdu – Har Lamha Bakhabar https://ift.tt/saJuLRq