’جناب وزیراعظم یہ ’مسٹر بین‘ کی فلم نہیں، استعفیٰ دیں اور گھر جائیں‘

سری لنکا میں مشتعل مظاہرین کے ساتھ ساتھ سابق کرکٹرز بھی موجودہ حکومت کے خلاف ہوگئے۔

سری لنکا میں حکومت کے خلاف جاری احتجاج میں شدت آتی جارہی ہے اور اب سابق کرکٹرز بھی حکومت کے استعفے کا مطالبہ کرتے ہوئے مظاہرین کے حق میں سامنے آگئے ہیں۔

ایک اور سابق سری لنکن کپتان اور اسٹائلش بلے باز مہیلا جے وردھنے نے احتجاج کی حمایت کرتے ہوئے لکھا کہ ‘ہم نے بحیثیت ملک اپنی سمت بدل دی ہے اور اسے نہیں بدلا جاسکتا، اب عوام بول پڑے ہیں’۔

Mr Bean please resign No more deals pic.twitter.com/lH3iHZCIUJ

— Mahela Jayawardena (@MahelaJay) July 9, 2022

ایک ٹوئٹ میں جے وردھنے نے سری لنکن صدر کو مسٹربین کہتے ہوئےلکھا کہ ‘مسٹر بین اب مزید کوئی ڈیل نہیں، برائے مہربانی مستعفی ہوجائیں’۔

سابق سری لنکن کپتان اور لیجنڈ بلے باز کمارا سنگاکارا نے عوام کی جانب سے صدارتی محل کے گھیراؤ کی ویڈیو ٹوئٹر پر شیئر کرتے ہوئے لکھا کہ ‘یہ ہمارے مستقبل کے لیے ہے’۔

This is for our future. pic.twitter.com/pSMmo4o81Q

— Kumar Sangakkara (@KumarSanga2) July 9, 2022

سابق سری لنکن کپتان اور جارح مزاج بلے باز سنتھ جے سوریا تو خود احتجاج میں شامل ہوگئے۔

Ialways stand with the People of Sri Lanka. And will celebrate victory soon. This should be continue without any violation. #Gohomegota#අරගලයටජය pic.twitter.com/q7AtqLObyn

— Sanath Jayasuriya (@Sanath07) July 9, 2022

ایک ٹوئٹ میں جے سوریا نے سری لنکن صدر اور وزیراعظم کو مخاطب کرتے ہوئےکہا کہ عوام مشتعل ہو رہے ہیں استعفیٰ دیں اور گھر چلے جائیں، آپ کو سمجھ نہیں آتی، جناب صدر اور جناب وزیراعظم، یہ مسٹر بین کی فلم نہیں یہ حقیقی زندگی ہے، آپ لوگوں کی زندگیوں سے کھیل رہے ہیں۔

from عالمی خبریں – ARYNews.tv | Urdu – Har Lamha Bakhabar https://ift.tt/StW7Njc