کراچی میں بیل ’بدک‘ گیا، قصائی شدید زخمی

کراچی میں بیل بدک گیا اور قصائی کو شدید زخمی کرکے بھاگ گیا۔

سوشل میڈیا پر ایک ویڈیو وائرل ہورہی ہے جس میں دیکھا جاسکتا ہے کہ کراچی کے علاقے گلستان جوہر میں بیل اس وقت بپھر گیا جب قصائی اسے ذبح کرنے والا تھا۔

سمامہ شاپنگ سینٹر کے قریب صبح 7 بجے واقعہ پیش آیا۔

وائرل ویڈیو میں دیکھا جاسکتا ہے کہ بیل قصائی کو زخمی کرکے بھاگ رہا ہے جبکہ ڈر کے مارے کوئی اس کے قریب بھٹک بھی نہیں رہا ہے۔

ویڈیو میں قصائی کی نااہلی بھی واضح نظر آرہے کہ اس نے گائے کو ذبح کرنے سے پہلے اس کی ٹانگیں رسیوں سے نہیں باندھی اور اسے ایسے ہی ذبح کرنا چاہا جس میں وہ ناکام رہا۔

پولیس واقعے سے لاعلم نکلی، حکام کا کہنا ہے کہ واقعے کی تصدیق کے لیے نفری روانہ کی گئی ہے نجی اسپتالوں سے بھی تفصیلات چیک کی جارہی ہے۔

from پاکستان – ARYNews.tv | Urdu – Har Lamha Bakhabar https://ift.tt/Bxlu4hs