کراچی : نوکری سے کیوں نکالا، ملازم نے باس سے بدلہ لے لیا

کراچی : پولیس نے ڈکیتی کی واردات کا معمہ حل کرلیا گزشتہ روز کمپنی کی گاڑی سے نقد رقم لوٹنے والے دو ملزمان کو گرفتار کرلیا۔

تفصیلات کے مطابق کراچی میں ایک مقامی کمپنی کے ملازم نے نوکری سے نکالنے پر اپنے سابقہ باس کو لوٹ لیا، بلال کالونی پولیس نے2ملزمان کو گرفتارکرکے مقدمہ درج کرلیا۔

اس حوالے سے میڈیا کو تفصیلات بیان کرتے ہوئے ایس ایس پی سینٹرل نے بتایا کہ گرفتار ہونے والے ملزمان میں احمد اور اویس شامل ہیں۔ گرفتار ملزمان سے اسلحہ، چھرا اور لوٹی ہوئی رقم برآمد کرلی گئی ہے۔

پولیس کا کہنا ہے کہ گرفتار ملزم کے خلاف کمپنی میں چوری کی کئی شکایات تھیں جس کی وجہ سے اسے ملازمت سے نکالا گیا تھا۔

ایس ایس پی سینٹرل کے مطابق مذکورہ ملزم کمپنی کے ڈسٹری بیوٹرز کے ریکارڈ اور بینک سے رقم نکالنے کے فرائض انجام دیتا تھا۔

انہوں نے بتایا کہ ملزمان نے ایک روز قبل کمپنی ڈسٹری بیوٹر سے3لاکھ روپے لوٹے تھے، ملزم کا اپنے بیان میں کہنا ہے کہ واردات کے دوران ڈسٹری بیوٹر سے رقم چھینی اور مالک کو بھی زخمی کیا۔

from پاکستان – ARYNews.tv | Urdu – Har Lamha Bakhabar https://ift.tt/IqAFfyo