کراچی کے علاوہ دیگر ڈویژن کی جامعات بند رکھنے کا فیصلہ

سندھ حکومت نے کراچی کے علاوہ دیگر ڈویژن کی جامعات اور بورڈز مزید 2روز بند رکھنے کا فیصلہ کرلیا۔

وزیر جامعات سندھ اسماعیل راہو کا کہنا ہے کہ کراچی کے علاوہ سندھ کے دیگر ڈویژن میں مزید دو روز تک سرکاری و نجی جامعات اور بورڈز بند رہیں گے۔

انہوں نے کہا کہ کراچی کے علاوہ سندھ کی دیگر ڈویژنوں میں سرکاری و نجی جامعات اور بورڈز آئندہ دو روز جمعہ اور ہفتہ بند رہیں گے، حیدرآباد، لاڑکانہ، سکھر، میرپورخاص اور شہید بینظیرآباد سمیت کئی جامعات اور بورڈز میں اب بھی بارش کا پانی کھڑا ہے۔

دوسری جانب ناظم امتحانات جامعہ کراچی ڈاکٹر سید ظفر حسین کے مطابق جامعہ کراچی کے تحت 26 اور 27اگست2022ء کو ہونے والے تمام امتحانات ملتوی کردیئے گئے ہیں۔امتحانات کی نئی تاریخوں کا اعلان بعد میں کیا جائے گا۔

from پاکستان – ARYNews.tv | Urdu – Har Lamha Bakhabar https://ift.tt/fkTdn6y