ارشد شریف کی شہادت کی خبر ٹوئٹر پر ٹاپ ٹرینڈ بن گئی

سینیئر صحافی اور نامور اینکر پرسن ارشد شریف کی شہادت کی خبر مائیکرو بلاگنگ ویب سائٹ ٹوئٹر پر ٹاپ ٹرینڈ بن گئی۔

اے آر وائی نیوز کے مطابق سینیئر صحافی اور نامور اینکر پرسن ارشد شریف کی شہادت کی خبر مائیکرو بلاگنگ ویب سائٹ ٹوئٹر پر ٹاپ ٹرینڈ بن گئی اور سوشل میڈیا صارفین واقعے کی اطلاع پر غم وغصے کی لہر دوڑ گئی۔

ارشد شریف کینیا کے شہر نیروبی میں گولی لگنے سے شہید ہوئے، اے آر وائی نیوز پر خبر نشر ہونے کے چند گھنٹوں میں ٹوئٹر پر ہیش ٹیگ ’ارشد شریف‘ اور ’قوم کا ہیرو ارشد شریف‘ ٹاپ ٹرینڈ بن گئے۔

ٹوئٹر پر ہزاروں صارفین نے ارشد شریف کی شہادت پر غم وغصے کا اظہار کرتے ہوئے ان کی شہادت کو ناقابل تلافی نقصان قرار دیا ہے۔

دوسری جانب ارشد شریف کی شہادت پر وزیراعظم شہباز شریف، وزیراعلیٰ پنجاب، پی ٹی آئی سمیت دیگر سیاسی رہنماؤں اور صحافتی تنظیموں نے تعزیت کا اظہار کیا ہے۔

وزیراعظم شہباز شریف نے ٹوئٹر پر اپنے تعزیتی بیان میں کہا ہے کہ صحافی ارشد شریف کی المناک موت کی افسوسناک خبر سے مجھے بہت دکھ ہوا ہے۔

انہوں نے کہا کہ اللہ تعالیٰ ارشد شریف کو جنت میں جگہ عطا فرمائے، سوگوار خاندان سے تعزیت اور دعائیں ان کے ساتھ ہیں۔

I am deeply saddened by the shocking news of journalist Arshad Sharif’s tragic death. May Allah SWT grant him a place in Heaven. My deep condolences and prayers for the bereaved family.

— Shehbaz Sharif (@CMShehbaz) October 24, 2022

وزیراعلیٰ پنجاب چوہدری پرویز الہٰی نے واقعے پر گہرے دکھ اور افسوس کا اظہار کرتے ہوئے کہا ہے کہ ارشد شریف کے پروگرامز اپنی نوعیت کے لحاظ سے منفرد ہوتے تھے، ہم ان کی فیملی کے غم میں برابر کے شریک ہیں، اللہ تعالیٰ سے دعا ہے کہ وہ غمزہ خاندان کو صبر جمیل عطا فرمائے۔

پی ٹی آئی کے سیکریٹری جنرل اسد عمر نے تعزیت کا اظہار کرتے ہوئے کہا کہ ارشد شریف کی موت کی خبر سن کو بہت صدمہ ہوا، فواد چوہدری نے کہا کہ ارشد شریف کے قتل کی خبر پر دل لہو لہو ہے، ظلم حد پار کر گیا ہے۔ سینیٹر فیصل جاوید نے کہا کہ ارشد شریف شہید، یہ ناقابل یقین ہے، اللّٰہ تعالیٰ سے دعا ہے کہ ارشد شریف کو جنت میں جگہ عطا فرمائے اور ان کے خاندان اور لاکھوں مداحوں دوستوں کو صبرِ جمیل عطا فرمائے۔

Absolutely shocked to hear of Arshad sharif’s death. Allah Jannat naseeb karay.

— Asad Umar (@Asad_Umar) October 24, 2022

ارشد شریف کے قتل کی خبر پر دل خون لہو لہو ہے، ظلم حد پار کر گیا ہے !

— Ch Fawad Hussain (@fawadchaudhry) October 24, 2022

شیخ رشید نے کہا کہ قوم کا بیٹا اور سچ کا سپاہی ارشد شریف آج شہید ہوگیا ہے، ٹوئٹ ارشد شریف کے نام کر رہا ہوں اور اس کے گھر جا رہا ہوں۔

بابر اعوان نے کہا کہ ارشد شریف کی شہادت پر اظہار رنج کے لئے الفاظ کم پڑ گئے ہیں، ابھی خبر دیکھی ہے، اس المناک سانحے پر یقین نہیں آ رہا۔

ترجمان پی ڈی ایم حافظ حمد اللہ نے ارشد شریف کی شہادت پر انتہائی دکھ اور افسوس کا اظہار کرتے ہوئے کہا کہ ارشد شریف کی شہادت پوری صحافت اور قوم کے لئے بڑا صدمہ ہے، صدمے کے لمحات میں ان کے خاندان سے اظہار ہمدردی کرتا ہوں۔

مسلم لیگ ضیا کے سربراہ اعجاز الحق نے تعزیتی بیان میں کہا کہ ارشد شریف ایک بہادر، ایماندار اور ذہین صحافی تھے، ان کے ایک بھائی نے اپنا خون ہماری مادر وطن کی مٹی پر نچھاور کیا، میرے پاس ارشد شریف کے اہلخانہ کے دکھ بانٹنے کیلیے الفاظ نہیں ہیں، اللہ تعالیٰ سے دعا ہے کہ وہ ارشد شریف کو جنت میں اعلیٰ مقام عطا فرمائے۔

from پاکستان Archives - ARYNews.tv | Urdu - Har Lamha Bakhabar https://ift.tt/TniJa2F