دوران حج کرین حادثہ، بن لادن کمپنی پر 20 ملین ریال جرمانہ عائد

ریاض: سنہ 2015 میں حج کے دوران کرین گرنے کے واقعے پر فوجداری اپیل کورٹ نے نیا فیصلہ جاری کرتے ہوئے بن لادن کمپنی پر 20 ملین ریال کا جرمانہ کیا ہے۔

اردو نیوز کے مطابق سعودی عرب میں مکہ مکرمہ فوجداری اپیل کورٹ نے حرم کرین کیس کا نیا فیصلہ جاری کیا ہے۔

عدالت نے بن لادن کمپنی کو لاپروائی اور سلامتی ضوابط کی خلاف ورزی کا ذمہ دار قرار دیتے ہوئے 20 ملین ریال کا جرمانہ کیا ہے۔

فوجداری اپیل کورٹ نے 3 ملزمان کو 6 ماہ قید اور 30 ہزار ریال جرمانے، جبکہ 4 ملزمان کو 4 ماہ قید اور 15 ہزار ریال جرمانے کی سزا سنائی ہے۔

فوجداری اپیل کورٹ نے فیصلے میں حرم کرین کیس میں ہلاک ہونے والوں کی دیت کی ذمہ داری کمپنی پر نہیں ڈالی۔

باخبر ذرائع کا کہنا ہے کہ فوجداری اپیل کورٹ کا فیصلہ اگر سپریم کورٹ میں چیلنج نہ کیا گیا تو مقررہ قانون کے مطابق یہ فیصلہ حتمی شکل اختیار کرلے گا۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/urGzQN6