مہنگائی میں کمی کے لیے بھارت کیا کرنے پر غور کر رہا ہے؟

نئی دہلی: بھارتی حکومت مہنگائی میں کمی کے لیے پیٹرول اور مکئی کے ٹیکس میں کٹوتیوں پر غور کر رہی ہے۔

تفصیلات کے مطابق بھارتی حکومت مرکزی بینک کی سفارشات کے جواب میں مکئی اور ایندھن جیسی چند اشیا پر ٹیکس کم کرنے پر غور کر سکتی ہے، تاکہ مہنگائی میں کمی ہو سکے۔

روئٹرز کے مطابق ٹیکس میں کمی کے سلسلے میں فروری کے مہنگائی کے اعداد و شمار دیکھ کر ہی کوئی فیصلہ کیا جائے گا۔

رواں ہفتے کے ڈیٹا کے مطابق بھارت کی سالانہ ریٹیل افراط زر کی شرح جنوری میں بڑھ کر 6.52 فی صد ہو گئی ہے جو دسمبر میں 5.72 فی صد تھی۔

حکومتی اور مرکزی بینک ذرائع کا کہنا ہے کہ خوردنی اشیا کی مہنگائی بدستور جاری رہے گی، آنے والے دنوں میں دودھ، مکئی اور سویا تیل کی قیمتیں مہنگائی کے خدشات میں اضافہ کریں گی۔

ذرائع نے بتایا کہ حکومت مکئی جیسی مصنوعات پر درآمدی ڈیوٹی کم کرنے پر غور کر رہی ہے، جس پر 60 فی صد بنیادی ڈیوٹی لگتی ہے، جب کہ ایندھن پر ٹیکس بھی دوبارہ کم کیا جا سکتا ہے۔

رپورٹ کے مطابق حالیہ مہینوں میں خام تیل کی عالمی قیمتوں میں نرمی اور استحکام آیا ہے، تاہم بھارت میں فیول کمپنیوں نے اس کا فائدہ صارفین تک منتقل نہیں کیا، مرکزی حکومت کی طرف سے ٹیکسوں میں کٹوتی ہوتی ہے تو اس کا فائدہ ریٹیل صارفین تک منتقل ہو کر مہنگائی میں کمی کا سبب بن سکتا ہے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/0U2LQnt