پیوٹن کا یورپ کو کرارا جواب، افریقی مالک کیلیے مفت اجناس؟

روسی صدر ولادیمیر پیوٹن نے کہا ہے کہ بحیرہ اسود اناج کے معاہدے میں مزید توسیع کے معاملے پر اگر ان شرائط کو پورا نہ کیا گیا تو ماسکو افریقی ممالک کو مفت اناج بھیج سکتا ہے۔

ماسکو میں روس-افریقہ کی پارلیمانی کانفرنس سے خطاب کرتے ہوئے پیوٹن نے کہا کہ بحیرہ اسود کے معاہدے کے تحت اناج کی برآمدات نے افریقی ممالک کے بجائے ” یورپی منڈیوں” کو غیر منصفانہ طور پر ترجیح دی، اور یہ کہ روس کی شرائط پر معاہدے کی تجدید براعظم کے مفادات میں ہے۔

پیوٹن نے کہا کہ اگر معاہدے کی تجدید نہ کی گئی تو ماسکو وضاحت کے بغیر "خاص طور پر ضرورت مند افریقی ممالک” کو مفت اناج فراہم کر سکتا ہے اب تک اناج کے معاہدے کے تحت برآمدات تجارتی معاہدوں کے تحت منتقل کی جاتی رہی ہیں۔

اگرچہ اس معاہدے کے تحت اناج کی ترسیل کی اہم منزلیں چین، اسپین اور ترکی ہیں، افریقی ممالک کو بالواسطہ طور پر فائدہ ہوا ہے کیونکہ سپلائی میں اضافے سے عالمی سطح پر اناج کی قیمتوں کو کم کرنے میں مدد ملی ہے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/v8Ndm2w