سابق سعودی انٹیلیجنس چیف ترکی الفیصل کا فرانسیسی ٹی وی کو انٹرویو

ریاض: سابق سعودی انٹیلیجنس چیف ترکی الفیصل نے فرانسیسی ٹی وی کو انٹرویو میں مغربی دنیا پر شدید تنقید کرتے ہوئے کہا ہے کہ مغرب نے عجیب دوہری پالیسیاں اپنائی ہوئی ہیں۔

سعودی عرب کے سابق انٹیلیجنس چیف شہزادہ ترکی الفیصل نے انٹرویو میں کہا کہ پوری مغربی دنیا نے روس کے خلاف تمام تر پابندیاں عائد کر دی ہیں لیکن 50 برسوں میں اسرائیل پر مغرب نے ایک پابندی تک عائد نہیں کی۔

شہزادہ ترکی الفیصل نے واضح طور پر کہا کہ سعودی، اسرائیل تعلقات کے قیام پر شائع رپورٹس صرف صحافتی باتیں ہیں، اسرائیل کے ساتھ تعلقات کا قیام خود مختار فلسطینی ریاست سے مشروط ہے۔

انھوں نے کہا فلسطینی ریاست جس کا دارالحکومت بیت المقدس ہو اور فلسطینی پناہ گزینوں کی واپسی ہو، یہ وہ شرائط ہیں جو مرحوم شاہ عبداللہ بن عبدالعزیز کے پیش کردہ امن منصوبے کا حصہ ہیں۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/TKLwS1v