ٹرمپ کے مظاہروں کی کال سے نمٹنے کی بائیڈن انتظامیہ کی تیاریاں

امریکا کے سابق صدر ڈونلڈ ٹرمپ کے خود کی گرفتاری کی صورت میں کارکنوں کو ملک گیر مظاہروں کی کال سے نمٹنے کے لیے بائیڈن انتظامیہ نے تیاریاں کرلی ہیں۔

غیر ملکی میڈیا کے مطابق امریکا کے سابق صدر ڈونلڈ ٹرمپ نے گوشواروں میں ہیر پھیر کے معاملے پر اپنی گرفتاری کا خدشہ ظاہر کرتے ہوئے اپنے کارکنوں کو احتجاج کے لیے تیار رہنے کی ہدایت کی تھی جس سے نمٹنے کے لیے بائیڈن انتظامیہ نے تیاریاں مکمل کر لی ہیں اور متعلقہ حکام کو احکامات جاری کر دیے گئے ہیں۔

امریکی حکام کا کہنا ہے کہ اب دوبارہ 6 جنوری جیسے واقعات ہونے کا کوئی امکان نہیں ہے۔

یہ بھی پڑھیں: ٹرمپ پر کسی بھی دن فرد جرم عائد کی جا سکتی ہے، پھر کیا ہوگا؟

ایک رپورٹ کے مطابق مذکورہ کیس میں سابق صدر ٹرمپ پر بدھ کے روز فرد جرم عائد ہو سکتی ہے اور اگر ایسا ہوا تو وہ مجرمانہ قانونی چارہ جوئی کا سامنا کرنے والے پہلے سابق امریکی صدر بن جائیں گے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/1OgoPy5