عرب امارات: ایک گاڑی سے 63 ہزار درہم کی ٹریفک خلاف ورزیاں

ابو ظہبی: متحدہ عرب امارات میں ایک خاتون نے عدالت میں دعویٰ دائر کیا ہے کہ ان کے شوہر نے ان کی گاڑی سے 63 ہزار درہم کی ٹریفک خلاف ورزیاں کیں، اور انہیں یہ رقم واپس دلوائی جائے۔

اردو نیوز کے مطابق متحدہ عرب امارات میں ابو ظہبی فیملی کورٹ نے شوہر کے خلاف اس کی اہلیہ کا 63 ہزار درہم کا دعویٰ مسترد کردیا۔

خاتون نے شوہر سے 63 ہزار درہم دلوانے کے لیے عدالت سے رجوع کیا تھا۔

خاتون کا کہنا تھا کہ شوہر نے ان کی گاڑی چوری کر کے ٹریفک خلاف ورزیاں کیں اور گاڑی کا مالک ہونے کی وجہ سے انہیں 63 ہزار درہم جرمانے کے طور پر ادا کرنا پڑ رہے ہیں، انہیں یہ رقم واپس دلوائی جائے۔

عدالت نے خاتون کا دعویٰ یہ کہہ کر مسترد کردیا کہ انہوں نے اس بات کا کوئی ثبوت پیش نہیں کیا کہ ان کی گاڑی شوہر نے چوری کی تھی اور ٹریفک خلاف ورزیاں ان کی لاعلمی میں ہوئی ہیں۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/P1Yokgm