ایران آج 7 سال بعد جدہ میں اپنا سفارت خانہ کھولے گا

ریاض: ایران اور سعودی عرب کے مابین تعلقات میں اہم ترین پیش رفت ہوئی ہے، ایران آج 7 سال بعد ایران جدہ میں اپنا سفارت خانہ کھولے گا۔

تفصیلات کے مطابق ایران آج سعودی شہر جدہ میں سات سال بعد اپنا سفارتخانہ کھول رہا ہے، ریاض کے لیے نامزد ایرانی سفیر علی رضا عنایتی بھی جدہ میں موجود ہیں۔

سفارتی مشن ایرانی سفیر علی رضا عنایتی کی سربراہی میں کام شروع کرے گا، جو اس سے قبل کویت میں ایران کے سفیر رہ چکے ہیں، جدہ میں قونصلیٹ اور او آئی سی کے دفتر بھی پھر سے فعال ہوں گے۔

ڈپلومیٹیک کوارٹر میں تقریب مقامی وقت کے مطابق شام 6 بجے ہوگی، تقریب میں سعودی وزارتِ خارجہ کے حکام بھی شرکت کریں گے۔ یاد رہے کہ چین کی ثالثی میں ایران اور سعودی عرب کے درمیان رواں برس مارچ میں سفارتی تعلقات بحال ہوئے تھے۔

ایران سفارتی تعلقات کی بحالی کے 3 ماہ بعد جدہ میں اپنا سفارت خانہ کھول رہا ہے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/WMCvpJ9