روس کو یوکرین حملے کی بھاری قیمت چکانا پڑے گی امریکا

واشنگٹن : امریکی وزیر خارجہ انٹونی بلینکن نے کہا ہے کہ ہم یوکرین پر حملہ کی پاداش میں برآمدی پابندیوں اور دیگر رکاوٹوں کے ذریعہ روس پر بھاری قیمت عائد کرنا جاری رکھیں گے۔

یہ بات انہوں نے یوکرین پر روسی فوجی آپریشن کے 500 دن مکمل ہونے کے موقع پر دیا۔ انہوں نے کہا کہ ہم اس طرح کے مزید اقدامات سے روس کی جنگ چھیڑنے کی صلاحیت کو محدود کریں گے۔

بلینکن نے کہا کہ ہم اپنے اتحادیوں کے ساتھ یوکرین کے ساتھ کھڑے رہیں گے تاکہ وہ اپنا دفاع جاری رکھے اور وقت آنے پر مذاکرات کی میز پر مضبوط ترین پوزیشن کے ساتھ بیٹھے۔

امریکی وزیر خارجہ نے کہا کہ روسی حکومت ہی یوکرین میں منصفانہ اور دیرپا امن کے حصول میں واحد رکاوٹ ہے۔

واضح رہے امریکہ نے جمعہ کو اعلان کیا تھا کہ وہ یوکرین کو روسی افواج کے خلاف جوابی حملے میں استعمال کرنے کے لیے وسیع پیمانے پر ممنوعہ کلسٹر بم فراہم کرے گا۔

امریکی محکمہ دفاع نے کہا کہ امریکی اقدام کو اتحادیوں کی جانب سے مزاحمت کا سامنا کرنا پڑا ہے جنہوں نے کلسٹر گولہ بارود یوکرین کو فراہم کرنے کو قبول نہیں کیا۔

امریکی صدر جو بائیڈن نے سی این این کے ساتھ ایک انٹرویو میں کہا کہ یہ ایک ایسے وقت میں بہت مشکل تھا جب کیف کی افواج ایک ماہ قبل روس کے زیر کنٹرول علاقوں کو بحال کرنے کے لیے شروع کیے گئے جوابی حملے میں میدان میں آگے بڑھنے کے لیے جدوجہد کر رہی تھیں۔ انہوں نے کہا تاہم واشنگٹن کو یقین دلایا گیا ہے کہ یہ ہتھیار شہریوں کے خلاف استعمال نہیں کیے جائیں گے۔

 

from عالمی خبریں Archives - ARYNews.tv | Urdu - Har Lamha Bakhabar https://ift.tt/E9O6sa1