مودی راج میں حقوق حاصل کرنے کے لیے نچلی ذات کے ہندو برہنہ احتجاج پر مجبور

مودی راج میں حقوق حاصل کرنے کے لیے نچلی ذات کے ہندو برہنہ احتجاج پر مجبور ہو گئے۔

تفصیلات کے مطابق بھارتی ریاست چھتیس گڑھ کے ضلع رائے پور میں نچلی ذات کے ہندوؤں نے اپنے حقوق کے لیے اسمبلی کی طرف برہنہ مارچ کیا، جس میں نچلی ذات کے ہندوؤں نے بڑی تعداد میں بالخصوص نوجوانوں نے شرکت کی۔

برہنہ مارچ کی تصاویر سوشل میڈیا پر وائرل ہونے کے بعد عالمی میڈیا کی جانب سے مودی سرکار پر شدید تنقید کی جا رہی ہے۔

برہنہ مارچ کا مقصد ذات کے جعلی سرٹیفکیٹ کی بنا پر حاصل سرکاری ملازمین کی معطلی کا مطالبہ تھا، برہنہ مارچ کے شرکا نے مودی سرکار کی دوغلی پالیسیوں کے خلاف شدید نعرے بازی کی۔

شرکا کا کہنا تھا کہ مودی سرکار نے جعلی سرٹیفکیٹ بنا کر من پسند لوگوں پر نوکریوں کی نوازشات کیں، ماضی میں بھی جعلی سرٹیفکیٹ کی بنیاد پر نوکریاں بانٹنے پر مظاہرین بھوک ہڑتال کر چکے ہیں۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/dZWqwIC