ٹی وی ٹاک شو میں صحافی اور سابق وزیر الجھ پڑے، ویڈیو وائرل

لبنان میں ٹی وی پر ٹاک شو کے دوران صحافی اور سابق وزیر الجھ پڑے۔

لبنانی ٹی وی پر براہ راست پروگرام کے دوران سیاسی بحث پر سابق وزیر ماحولیات ویام وہاب اور صحافی سائمن ابو فضیل الجھ پڑے جس کی ویڈیو سوشل میڈیا پر وائرل ہوگئی۔

ویڈیو میں دیکھا جاسکتا ہے کہ لڑائی شروع ہوئی تو دونوں کے حامی بھی دوڑے چلے آئے اور اسٹوڈیو میدان جنگ کا منظر پیش کرنے لگا۔

رپورٹ کے مطابق وہاب اور ابو فضیل ایم ٹی وی چینل کے شو ’اٹز ٹائم‘ کے مہمان تھے جس میں اس بات پر بحث کی گئی کہ آیا صدارتی انتخابات میں رکاوٹ ڈالنے کے الزام میں سیاست دانوں کو سزا دی جانی چاہیے۔

ویام وہاب اور ابو فضیل کے درمیان بحث لڑائی میں اس وقت بدل گئی جب وہاب نے میز پر پانی کا گلاس توڑ دیا۔

شهد استديو "صار الوقت" عراكاً بالأيدي بين رئيس حزب التوحيد العربي وئام وهاب والصحافي سيمون أبو فاضل.#mtvlebanon #mtvlebanonnews #صار_الوقت pic.twitter.com/dbXRRyNJ5Z

— MTV Lebanon (@MTVLebanon) July 20, 2023

واقعے کی ویڈیو سوشل میڈٰیا پر وائرل ہوئی تو صارفین کی جانب سے ایم ٹی وی کے اینکرر مارسل غنیم کو تنقید کا نشانہ بنایا گیا۔

ایک صارف نے لکھا کہ ’میزبان شو کے مہمانوں کو اشتعال دلا رہے تھے تاکہ وہ ایک دوسرے سے لڑیں۔‘

دوسرے صارف نے لکھا کہ ’چینل کو اپنے مہمانوں کے انتخاب کو بہتر بنانا چاہیے ملک کو لڑائی جھگڑوں کی ضرورت نہیں ہے۔‘

from عالمی خبریں Archives - ARYNews.tv | Urdu - Har Lamha Bakhabar https://ift.tt/FSA0qy3