ٹرمپ نے اپنے خلاف مقدمات کی سماعت الیکشن تک ملتوی کرانے کی کوشش شروع کر دی

واشنگٹن: سابق امریکی صدر ڈونلڈ ٹرمپ نے اپنے خلاف مقدمات کی سماعت الیکشن تک ملتوی کرانے کی کوشش شروع کر دی۔

تفصیلات کے مطابق امریکی صدارتی امیدوار ڈونلڈ ٹرمپ نے درخواست کی ہے کہ ان کے خلاف خفیہ دستاویزات برآمدگی کیس کی سماعت صدارتی الیکشن تک ملتوی کیے جائیں۔

سابق صدر ٹرمپ کے خلاف مقدمے کی سماعت 11 دسمبر سے باقاعدہ شروع ہوگی، ٹرمپ اپنے خلاف فرد جرم میں لگائے گئے 37 الزامات کو مسترد کر چکے ہیں، دوسری طرف صدارتی الیکشن میں صدر بائیڈن کے خلاف ٹرمپ ریپبلکنز امیدوار بننے کے لیے کوشاں ہیں۔

واضح رہے کہ ٹرمپ پر 37 مختلف الزامات عائد کیے گئے تھے، اور کچھ دیر کے لیے ان کی گرفتاری بھی عمل میں لائی گئی تھی، اب ان مقدمات کی سماعت دسمبر سے شروع ہونی ہے، لیکن ٹرمپ نے درخواست کی ہے کہ ان مقدمات کی سماعت انتخابات کے بعد کی جائے، کیو کہ وہ اس وقت انتخابی مہم کے سلسلے میں ریلیوں میٹنگز میں مصروف ہیں۔

دل چسپ امر یہ ہے کہ امریکا میں سابق صدر ٹرمپ کے خلاف جتنی مہم چلائی جا رہی ہے، اتنے ہی وہ مقبول ہوتے جا رہے ہیں، اسی لیے الیکشن کے حوالے عوامی رائے عامہ کے جائزے میں ٹرمپ بدستور سرفہرست ہیں، آٹھ سے دس ریاستوں میں ہونے والی پولنگ میں جو بائیڈن سابق صدر سے بہت پیچھے ہیں۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/Ohp4u0J