پاکستان کو پروگرام پر پوری لگن سے عمل کرنا ہوگا، ایم ڈی آئی ایم ایف

اسلام آباد: انٹرنیشنل مانیٹرنگ فنڈز کی منیجنگ ڈائریکٹر کرسٹالینا جارجیوا نے کہا ہے کہ پاکستان کو پروگرام پر پوری لگن سے عمل کرنا ہوگا۔

تفصیلات کے مطابق ایم ڈی آئی ایم ایف کرسٹالینا جارجیوا نے پاکستان سے متعلق بیان دیتے ہوئے کہا ہے کہ اسٹینڈ بائی ارینجمنٹ پاکستان کے لیے میکرو اکنامک استحکام کا موقع ہے، پاکستان کو پروگرام پر پوری لگن سے عمل کرنا ہوگا۔

ایم ڈی آئی ایم ایف نے بجلی کی قیمت اور لاگت میں توازن لانے پر بھی زور دیا اور کہا کہ پاکستان کو توانائی کے شعبے میں اصلاحات کی ضرورت ہے، انھوں نے کہا پاور سیکٹر میں ٹارگٹڈ سبسڈی میں بہتری لائی جائے، بیرونی دباؤ کا سامنا کرنے کے لیے مارکیٹ بیسڈ ایکسچینج ریٹ اہم ہے۔

آئی ایم ایف نے بینکنگ سسٹم کی نگرانی اور اداروں کی استعداد کار بہتر بنانے کا مطالبہ بھی کیا ہے، کرسٹالینا جارجیوا نے کہا سماجی اور ترقیاتی اخراجات کے لیے ریونیو میں بہتری کی ضرورت ہے، اور غیر ضروری اخراجات سے متعلق مالی نظم و نسق پر عمل کیا جائے۔

آئی ایم ایف نے پاکستان کیلئے 3 ارب ڈالر قرض کی منظوری دے دی

انھوں نے کہا گزشتہ سال پاکستانی معیشت کو سیلاب سمیت کئی چیلنجز کا سامنا رہا، قرض پروگرام کی پالیسیوں پر عمل نہ ہونے سے مہنگائی میں اضافہ ہوا۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/B2xeKXI