ارجنٹائن میں 10 ہزار سے زائد مسافر ایئرپورٹس پر پھنس گئے

بیونس آئرس: ارجنٹائن میں ایئرپورٹس عملے کی ہڑتال کے باعث 10 ہزار سے زائد مسافر ایئرپورٹس پر پھنس گئے۔

بیونس آئرس ہیرالڈ کی رپورٹ کے مطابق بورڈنگ اور بیگیج کی سروسز فراہم کرنے والی کمپنی کے عملے کی ہڑتال کے باعث ارجنٹائن بھر کے ایئرپورٹس پر مختلف ایئرلائنز کی 60 سے زائد پروازیں منسوخ ہو گئیں، جس سے دس ہزار سے زائد مسافر متاثر ہوئے۔

ہڑتال کا دورانیہ 20 گھنٹے رہا، جس کی وجہ سے چار ایئرپورٹس پر ہزاروں مسافر شدید پریشانی میں مبتلا رہے، ہڑتال کی وجہ ایئرلائنز کو سروسز فراہم کرنے والی ایک اور کمپنی کے ساتھ تنازعہ تھا۔

انٹر کارگو کے عملے نے سوئسپورٹ کے عملے کے ساتھ اظہار یک جہتی کے لیے ہڑتال کا اعلان کیا تھا۔ رپورٹس کے مطابق عملے نے ہڑتال تب ختم کی جب وزارت محںت کی جانب سے ان سے مذاکرات کیے گئے۔

فریقین میں طے پایا کہ ’مزدور مفاہمت‘ کے قانون کے تحت پندرہ دن میں اس مسئلے کو حل کرنا ہے، اور کسی معاہدے پر پہنچنا ہے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/ltHuNJ2