کیپ ٹاؤن میں ٹیکسی ہڑتال کے دوران 5 افراد ہلاک، برطانوی شہری بھی شامل

کیپ ٹاؤن: کیپ ٹاؤن میں ٹیکسی ہڑتال کے دوران پُر تشدد واقعات میں 5 افراد ہلاک ہو گئے، جن میں ایک برطانوی شہری بھی شامل ہے۔

برطانوی میڈیا کے مطابق جنوبی افریقی دارالحکومت کیپ ٹاؤن میں ٹیکسی ہڑتال سے متعلق پرتشدد مظاہروں میں پانچ افراد ہلاک ہو گئے ہیں، ہلاک شدگان میں ایک 40 سالہ برطانوی سیاح بھی شامل ہے۔

کیپ ٹاؤن میں ٹیکسی ڈرائیورز کی ہڑتال پُرتشدد مظاہروں میں تبدیل ہو گئی ہے، مظاہرین اور پولیس کے درمیان شدید جھڑپیں ہوئیں، جس کے بعد پولیس نے 120 افراد کو گرفتار کر لیا ہے۔

Cape Town CBD: minibus taxi protest. pic.twitter.com/Jb8a75GoOJ

— Yusuf Abramjee (@Abramjee) August 1, 2023

ایک ہفتہ طویل ہڑتال پر جانے والے ٹیکسی ڈرائیورز کا مؤقف تھا کہ قانون نافذ کرنے والے حکام بے جا سختی سے کام لے رہے ہیں، ان کا کہنا تھا کہ حکومت کی طرف سے معمولی جرائم پر ٹیکسیوں کو ضبط کرنے پر کاروبار متاثر ہوا ہے، اور ہزاروں افراد بے روزگار ہو گئے ہیں۔

After a taxi Impound Operation by the city of Cape town, taxi drivers staged a protest yesterday August 1, 2023.

Angry taxi drivers obstructed the entrance to the Cape Town taxi rank. Several taxi drivers were arrested#CapeTown#taxiprotest pic.twitter.com/dncZCWuuNf

— News Live SA (@newslivesa) August 2, 2023

حکومت اور ٹیکسی ڈرائیورز کے درمیان مذاکرات بھی ہوئے جو ناکام ہو گئے جس پر شہر بھر میں ڈرائیورز نے ٹیکسی آپریشن بند کر دیا ہے، ہڑتال کے دوران کیپ ٹاؤن کے نواحی علاقوں میں لوٹ مار کے واقعات رونما ہوئے اور سڑکیں بند کر دی گئی ہیں۔

ڈرائیوروں کے مطابق ان کی جانب سے کی جانے والی خلاف ورزیوں میں سیٹ بیلٹ نہ باندھنا اور ایمرجنسی لین میں غیر قانونی طور پر گاڑی چلانا شامل ہیں، انھوں نے یہ دعویٰ بھی کیا کہ دوسروں کو ان خلاف ورزیوں پر صرف جرمانے کا سامنا کرنا پڑتا ہے۔ کیپ ٹاؤن بھر کے منی بس ٹیکسی آپریٹرز نے بھی شکایت کی ہے کہ حکومت ان کی ٹیکسیوں کو یہ کہہ کر ضبط کر رہی ہے یہ سڑک پر چلنے کے قابل نہیں ہیں۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/Q2hT0pJ