تیز رفتار بس 25 فٹ گہرے گڑھے میں جا گری، ویڈیو وائرل

غازی آباد: اتر پردیش میں تیز رفتار بس 25 فٹ گہرے گڑھے میں جا گری، جس کے سبب بس میں موجود 24 مسافر شدید زخمی ہوگئے۔

بین الاقوامی خبر رساں ادارے کی رپورٹ کے مطابق یہ واقعہ سی سی ٹی وی کیمروں میں قید ہوگیا، جس کی ویڈیو سوشل میڈیا پلیٹ فارمز پر وائرل ہوگئی۔

وائرل کلپ دیکھا جاسکتا ہے کہ تیز رفتار بس مصروف ایکسپریس وے پر بائیں جانب مڑتے ہوئے سڑک سے نیچی کی طرف گر رہی ہے، بس کو سڑک کے اطراف میں نصب ریلنگ سے ٹکرا کر گہرے گڑھے میں گرتے دیکھا جا سکتا ہے۔

VIDEO | Several people were injured when a bus they were travelling in veered off the Delhi-Meerut Expressway in #Ghaziabad district earlier today. pic.twitter.com/bsyldmJ333

— Press Trust of India (@PTI_News) September 14, 2023

پولیس کے مطابق یہ واقعہ دہلی میرٹھ ایکسپریس وے پر اس وقت پیش آیا جب بس اتر پردیش میرٹھ سے دہلی کی طرف جارہی تھی، بس ڈرائیور کا کہنا ہے کہ وہ اسٹیئرنگ پر کنٹرول برقرار نہ رکھ سکا اور اس کے نشے میں ہونے کی خبروں میں صداقت نہیں۔

بس ڈرائیور پردیپ نے پولیس کو بتایا کہ وہ سمجھ نہیں پایا کہ اس نے اسٹیئرنگ پر کنٹرول کیسے کھو دیا۔ اس نے کہا وہ نشے میں نہیں تھا،
ڈی سی پی نے بتایا کہ تمام زخمی مسافروں کا تعلق بجنور ضلع سے ہے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/mMSq5G4