پاک بھارت میچ مکمل نہ ہونے کا ذمہ دار بی سی سی آئی ہے، شائقین برہم

ایشیا کپ 2023 کا سب سے بڑا اور اہم میچ بارش کی نذر ہوگیا، جس کے بعد سوشل میڈیا پر شیڈول کے حوالے سے بی سی سی آئی کے سیکرٹری کو ان کے فیصلے پر شدید تنقید کا نشانہ بنایا گیا۔

سماجی رابطے کی ویب سائٹ ایکس (ٹوئٹر) پر پاکستان اور بھارتی صارفین بھارتی کرکٹ بورڈ کے جے شاہ سے ناراض دکھائی دیے جنہوں نے بھارت کو پاکستان میں کھیلنے کی اجازت نہیں دی تھی، جس سے سبب دونوں ممالک کے شائقین کرکٹ کو مایوسی کا سامنا کرنا پڑا۔

ایشیا کپ 2023 میں پاک بھارت ٹیموں کا انتہائی میچ بارش کی وجہ سے ختم ہونے کے بعد ایکس (سابقہ ٹویٹر) صارفین نے اپنا غصہ بھارتی کرکٹ کنٹرول بورڈ (بی سی سی آئی) کے سیکرٹری جے شاہ پر اتار دیا جنہوں نے میزبان پاکستان میں ٹورنامنٹ کھیلنے سے انکار کردیا تھا۔

جے شاہ نے اس حقیقت کو نظر انداز کرتے ہوئے کہ پاکستان میں سیکورٹی کے انتظامات قابل اطمینان ہیں اس کے باوجود وہ اس بات پر قائم رہے کہ ہندوستان پاکستان میں نہیں کھیلے گا۔

کچھ ٹویٹس ایسے ہیں جس میں ناراض صارفین اپنے خیالات کا اظہار کررہے ہیں، جس میں انہوں کا کہنا ہے کہ میچ بے نتیجہ ختم ہونے سے پورا دن برباد ہوگیا جس کے ذمہ دار چیئرمین جے شاہ ہیں۔

The day was ruined as the Match was called off due to rain. There is only one guy to blame: Jay Shah. The SL board warned about Kandy weather and proposed Dambulla as an option. They didn’t take that, and neither did they want to Visit Pakistan to avoid rainy weather in Sri… pic.twitter.com/FdnYa840hg

— Mariya Rajput (@mariya_raj10) September 2, 2023

اسپورٹس اینکر ماریہ راجپوت نے لکھا کہ بارش کی وجہ سے میچ بے نتیجہ ختم ہونے کی وجہ سے دن برباد ہوگیا اور یہ بی سی سی آئی کے چیئرمین جے شاہ کا قصور ہے۔

انہوں نے دعویٰ کیا کہ سری لنکن بورڈ نے موسم کے بارے میں خبردار کیا تھا اور میچ کو دمبولا میں کروانے کی تجویز دی تھی لیکن جے شاہ نے اس تجویز کو قبول نہیں کیا اور نہ ہی وہ سری لنکا میں بارش کے موسم سے بچنے کے لیے پاکستان کا دورہ کرنا چاہتے تھے لیکن انہوں نے اپنی انا کو برقرار رکھا اور پورا ٹورنامنٹ خاص طور پر اس بڑے میچ کو برباد کر دیا۔

The ACC President Jay Shah should know to check the weather conditions before finalizing venues for an important series like Asia cup. At least he should have agreed to Mr @najamsethi ‘s opinion to shift the tournament to UAE without giving silly reasons.( he said it’s too hot…

— Nibraz Ramzan (@nibraz88cricket) September 3, 2023

ایک اور صارف کا کہنا تھا کہ اگر بھارتی حکومت چاہتی تو اپنی ٹیم کو پاکستان میں کھیلنے کی اجازت دے دیتی تو پورا ٹورنامنٹ وہیں منعقد ہوسکتا تھا، ہم نے پاکستان میں بغیر کسی بارش کی رکاوٹ کے کچھ شاندار میچز دیکھے ہیں۔

سابق بھارتی کرکٹر وریندر سہواگ نے بھی بارش کے موسم میں ایشیا کپ کے انعقاد پر طنز کرتے ہوئے کہا کہ بارش کے وقت تو چائے پکوڑے رکھتے ہیں، آپ نے ایشیا کپ ہی رکھ دیا۔

Baarish ke time toh Chai Pakode rakhte hain yaar.
Asia cup bhi rakh diya. #BHAvsPAK

— Virender Sehwag (@virendersehwag) September 2, 2023

حسن نامی صارف کا کہنا تھا کہ بی سی سی آئی اور جے شاہ کو شرم آنی چاہیے کہ پہلے تو انہوں نے پاکستان نہ آنے کا فیصلہ اس وقت کیا جب دنیا کی ہر بہترین ٹیم پہلے ہی یہاں کا دورہ کرچکی تھی اور پھر جب میچ سری لنکا منتقل ہوئے تو انہوں نے دمبولا میں کھیلنے سے بھی انکار کردیا جہاں ستمبر کے دوران موسم خشک رہتا ہے۔

Shame on you @BCCI and @JayShah. First, they decided not to come to Pakistan when every best team in the world already visited our country, and then when matches were shifted to Sri Lanka, they also refused to play in Dambula, where the weather remains dry during September. Even…

— Hassan (@HassanAbbasian) September 2, 2023

صارف کا کہنا تھا کہ یہاں تک کہ سری لنکن حکام نے بھی ان سے مقام تبدیل کرنے کی درخواست کی لیکن صرف اپنے کھلاڑیوں کو آرام دینے اور اپنے سفر کو آرام دہ بنانے کے لیے انہوں نے دمبولا میں کھیلنے سے انکار کر دیا اور سری لنکا پر زور دیا کہ وہ پالکیلے میں کھیلوں کا شیڈول بنائیں۔

جے شاہ آپ نے ہمارا دن برباد کر دیا اور آج کرکٹ کے تمام شائقین واقعی مایوس ہیں کیونکہ ہر مداح نے اس دن کا سب سے زیادہ انتظار کیا لیکن آپ نے سب کچھ برباد کردیا۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/L0bnHr5