غزہ کی امداد کیلئے اقوامِ متحدہ کے فیصلے پرعمل کیا جائے، حماس کا مطالبہ

حماس کی جانب سے غزہ کی امداد کے لیے اقوامِ متحدہ کی جنرل اسمبلی کے فیصلے پرعمل کا مطالبہ سامنے آگیا۔

تفصیلات کے مطابق حماس نے مطالبہ کیا ہے کہ اقوامِ متحدہ جنرل اسمبلی کی منظور کی گئی قرارداد پر عمل کرایا جائے۔ غزہ میں امداد کی اجازت کیلئے اسرائیل پر دباؤ ڈالا جائے۔

فلسطینی تنظیم حماس کے رکن غازی حمد کا کہنا تھا کہ اقوامِ متحدہ جنرل اسمبلی قرارداد کو فلسطینی عوام کی فتح سمجھتے ہیں۔

حماس رکن نے کہا کہ امداد کی فوری غزہ کے تمام علاقوں اور اسپتالوں میں تقسیم کیا جائے۔ فلسطینیوں کی جبری نقل مکانی کو مسترد کرتے ہیں۔

خیال رہے کہ یورپی یونین کے اعلیٰ سفارتکار جوزف بوریل نے بھی غزہ میں فوری جنگ بندی کا مطالبہ کیا ہے۔ انھوں نے کہا کہ غزہ میں معصوم شہری اور بچے مارے جا رہے ہیں۔

یورپی یونین کے اعلیٰ سفارتکار نے کہا کہ امداد کی رسائی کیلئے اسرائیل دشمنی کو روکے۔ غزہ میں انسانی ہمدردی کی راہداریوں کے قیام کیلئے جنگ بندی کی جائے۔

قطر نے بھی عالمی برادری سے اقوام متحدہ کی قرارداد کا احترام کرنے کا مطالبہ کیا ہے۔ قطری وزیرخارجہ نے کہا کہ اسرائیل جنگ بندی کیلئے منظور غیرپابند قرارداد کا احترام کرے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/hVCeSav