یو اے ای : سونے کی قیمت میں نمایاں اضافہ

ابوظہبی : متحدہ عرب امارات میں گزشتہ 2 ہفتوں کے دوران فی گرام سونے کی قیمت میں19.75 درہم اضافہ ریکارڈ کیا گیا ہے۔

تفصیلات کے مطابق یو اے ای کی گولڈ مارکیٹ میں 2 ہفتوں کے دوران ایک گرام سونے کی قیمت میں19.75 درہم اضافہ ریکارڈ کیا گیا ہے، سعودی ذرائع ابلاغ کے مطابق گزشتہ ہفتے کے آخر میں سونے کے نرخوں میں اضافہ دیکھنے میں آیا۔

مختلف قیراط کے ایک گرام سونے کی قیمت میں 7.25 سے 9.25درہم تک کا اضافہ ریکارڈ کیا گیا ،اس طرح دو ہفتوں کے دوران مجموعی اضافہ 19.75 درہم تک پہنچ گیا۔

رپورٹ کے مطابق 24 قیراط ایک گرام سونا 9.25 درہم کے اضافے کے بعد 240.75 درہم کا ہوگیا، 22 قیراط کی قیمت 8.5 درہم کے اضافے سے 222.75 درہم ، 21 قیراط کی قیمت 8.25 درہم بڑھ کر 215.75 درہم اور 18 قیراط کی قیمت 7.25 درہم کے اضافے سے 185 درہم تک پہنچ گئی۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/hrv9L4t