وائٹ ہاؤس کے سامنے فلسطینیوں کے حق میں بڑا مظاہرہ، یہودیوں کی شرکت

واشنگٹن: امریکی دارالحکومت میں وائٹ ہاؤس کے سامنے فلسطینیوں سے اظہار یکجہتی کے لیے ہزاروں افراد نے احتجاج کیا، جس میں یہودیوں کی بڑی تعداد نے بھی شرکت کی۔

تفصیلات کے مطابق غزہ پر وحشیانہ اسرائیلی بمباری پر دنیا بھر میں لوگ سراپا احتجاج بنے ہوئے ہیں لیکن امریکا بدستور صہیونی ریاست کے غیر انسانی اقدامات کی حمایت پر کمر بستہ ہے، اور جنگ بندی کی حمایت سے گریزاں ہے۔

فلسطینیوں کے حوالے سے امریکی پالیسی کے خلاف گزشتہ روز وائٹ ہاؤس کے سامنے ہزاروں افراد نے جمع ہو کر زبردست احتجاج کیا، جس میں یہودیوں کی بھی بڑی تعداد شریک ہوئی اور مظاہرین نے اسرائیل کے خلاف نعرے لگائے۔ مظاہرین نے داخلی دروازے کی دیوار پر سرخ ہاتھوں کے نقوش بھی چھوڑے جو اس بات کی علامت تھے کہ امریکا کے ہاتھ فلسطینیوں کے خون سے رنگے ہوئے ہیں۔

In front of the White House in the American capital. pic.twitter.com/bYbuiE126s

— The Fact Finder (@FactualNarrator) November 4, 2023

If you don’t recognize your country anymore, it’s not just you.

This is the White House… right now. pic.twitter.com/8LWQ8Im2PT

— Wesley Hunt (@WesleyHuntTX) November 5, 2023

ادھر صہیونی ریاست کے ایک اور بڑے پشت پناہ ملک برطانیہ کے دارالحکومت لندن میں بھی اسرائیلی مظالم کے خلاف ہزاروں افراد سڑکوں پر نکل آئے، مظاہرین نے بچوں پر بمباری بند کرنے اور ’فری فلسطین‘ کے پوسٹر اٹھا رکھے تھے۔ اسی طرح فرانس کے مرکزی شہر پیرس میں بھی فلسطین کے حق میں بڑا مظاہرہ کیا گیا۔

Bloody hands smeared on the entrance to the White House pic.twitter.com/jKZn50EuLf

— carlos (vibe describer) (@Vaquero2XL) November 5, 2023

یورپ کے ایک اور بڑے ملک جرمنی کے دارالحکومت برلن میں بھی ہزاروں افراد نے نکل کر فلسطینوں کے حق میں احتجاجی مظاہرہ کیا اور اسرائیلی مظالم کی شدید مذمت کی۔ مظاہرین کا مطالبہ تھا کہ غزہ میں جنگ بندی کی جائے اور اسرائیلی فورسز نہتے شہریوں اور بچوں پر وحشیانہ بمباری روکے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/75GZI9L