ایران سے کاروبار پر بھارت پابندیوں سے مستثنیٰ نہیں، امریکا

امریکا کا بھارت اور ایران کے درمیان چاہ بہار بندرگاہ معاہدے پر رد عمل آگیا۔

امریکی محکمہ خارجہ کے نائب ترجمان ویدانت پٹیل نے پریس کانفرنس میں کہا کہ ایران سے کاروبار کرنے والے ممالک امریکی پابندیوں کی زد میں آسکتے ہیں ایران پر ہماری پابندیاں برقرار ہیں اور ہم ان کا نفاذ جاری رکھیں گے۔

ترجمان نے کہا کہ ایران سے معاہدے کرنے والوں کو ممکنہ خطرات سے آگاہ ہونا چاہیے بھارت ان پابندیوں سے مستثنیٰ نہیں۔

نریندر مودی کی قیادت والی حکومت نے مشرق وسطیٰ کے ایک اسٹریٹجک ملک کے ساتھ تعلقات کو مضبوط کرتے ہوئے کہا کہ ہندوستان نے ایرانی بندرگاہ چابہار کو ترقی دینے اور چلانے کے لیے پیر کو ایران کے ساتھ 10 سالہ معاہدے پر دستخط کیے ہیں۔

ہندوستان کراچی اور گوادر کو بائی پاس کرتے ہوئے ایران، افغانستان اور وسطی ایشیائی ممالک کو سامان پہنچانے کے لیے خلیج عمان کے ساتھ ساتھ ایران کے جنوب مشرقی ساحل پر چابہار میں بندرگاہ تیار کر رہا ہے تاہم ایران پر امریکی پابندیوں نے بندرگاہ پر کام کو سست کر دیا ہے۔

from ARY News Urdu- International- عالمی خبریں https://ift.tt/YvCHGdI