امریکا: ویک اینڈ پارٹی کے دوران فائرنگ، 3 افراد ہلاک، متعدد زخمی

امریکی ریاست الاباما میں ویک اینڈ پارٹی کے دوران فائرنگ کے نتیجے میں 3 افراد ہلاک اور 15 زخمی ہوگئے۔

بین الاقوامی خبر رساں ادارے کی رپورٹ کے مطابق فائرنگ ویک اینڈ پارٹی کے دوران ہوئی، مرنے والوں میں ایک خاتون بھی شامل ہے۔

امریکی پولیس کے مطابق فائرنگ میں 2 افراد کے ملوث ہونیکا شبہ ہے، تاحال کوئی گرفتاری نہیں ہوئی۔

اس سے قبل امریکا کی ریاست شمالی کیرولائنا میں فائرنگ سے 3 پولیس افسران ہلاک جبکہ پانچ شدید زخمی ہوگئے تھے۔

امریکی میڈیا کا اس حوالے سے کہنا ہے کہ مطلوب ملزم نے گرفتاری سے بچنے کے لئے پولیس اہلکاروں کو فائرنگ کا نشانہ بنایا، پولیس نے جوابی فائرنگ میں ملزم کو بھی ہلاک کردیا۔

امریکا میں فائرنگ سے 7 افراد ہلاک

امریکی میڈیا کی رپورٹس کے مطابق پولیس اہلکار اسلحہ رکھنے کے جرم میں مطلوب شخص کو وارنٹ دینے کیلئے پہنچے تھے کہ ملزم نے ان پر فائرنگ کردی، ملزم کی فائرنگ سے متعدد اہلکار زخمی بھی ہوئے۔

from ARY News Urdu- International- عالمی خبریں https://ift.tt/6GmXj1D