روس اور یوکرین کے درمیان فوجی قیدیوں کا تبادلہ

ماسکو : روسی وزارت دفاع نے کہا کہ روس نے کورسک ریجن سے یوکرین کے پکڑے گئے 115فوجیوں کو واپس کر دیا ہے۔

روسی وزارت نے کہا کہ 24 اگست کو مذاکراتی عمل کے نتیجے میں کورسک کے علاقے میں پکڑے گئے 115 یوکرینی فوجیوں کو کیف حکومت کے زیرکنٹرول علاقے سے واپس کر دیا گیا ہے۔

غیر ملکی خبر رساں ادارے کی رپورٹ کے مطابق روسی وزارت دفاع نے کہا ہے کہ 115 روسی فوجیوں کو بدلے میں روس کے حوالے کردیا گیا ہے۔

روسی وزارت دفاع نے مزید کہا کہ متحدہ عرب امارات نے روسی فوجیوں کی قید سے واپسی کے دوران انسانی نوعیت کی ثالثی کی کوششیں فراہم کیں۔

تمام رہا کیے گئے روسی فوجی اہلکار اس وقت ہمسایہ ملک بیلاروس میں ہیں، بیان میں مزید کہا گیا ہے کہ انہیں روس منتقل کیا جائے گا اور وزارت دفاع کے زیر انتظام طبی اداروں میں علاج اور بحالی کی خدمات حاصل کی جائیں گی۔

واضح رہے کہ روس اور یوکرین نے 24 فروری 2022 کو دونوں ممالک کے درمیان تنازعہ کے آغاز سے اب تک 55 قیدیوں کے تبادلے کیے ہیں۔ اس تبادلے سے قبل دونوں ممالک نے گزشتہ سال جولائی میں 95 قیدیوں کا تبادلہ کیا تھا۔

from ARY News Urdu- International- عالمی خبریں https://ift.tt/n84ZlIz