صدارتی مباحثہ : یہ کملا ہیریس کی بالیاں ہیں یا کچھ اور ؟ حقیقت سامنے آگئی

امریکی صدارتی انتخاب کے امیدواروں کملا ہیریس اور ڈونلڈ ٹرمپ کے درمیان ہونے والے مباحثے کے دوران کملا ہیریس کی بالیاں سوشل میڈیا پر توجہ کا مرکز بن گئیں۔

سماجی رابطے کی ویب سائٹ پر شیئر کی جانے والی کملا ہیریس بالی والی کی تصویر نے نئی بحث کو جنم دے دیا، جن کے بارے میں ان گنت نظریات سامنے آنے لگے۔

غیر ملکی خبر رساں ادارے کی رپورٹ کے مطابق دائیں بازو کی ایک بااثر شخصیت نے نائب صدر کی امیدوار کملا ہیرس کے حوالے سے کہا ہے کہ انہوں نے صدارتی مباحثے کے دوران کان میں لگنے والے آڈیو ہیڈ فونز (ایئر پیس) پہنے ہوئے تھے۔

یہ دعویٰ دائیں بازو کی کارکن لورا لوومر نے کیا تھا اور ان کی پوسٹ بدھ کی صبح تک 1.3 ملین سے زیادہ بار دیکھی جاچکی تھی۔

سوشل میڈیا پوسٹ پر بعض صارفین نے اسے دھوکہ دہی قرار دیا اور یہ دعویٰ کیا کہ جوبائیڈن نے بھی 2020 میں دھوکہ دہی کی تھی جب انہوں نے بحث کے دوران کانٹیکٹ لینز استعمال کیے تھے۔

حقیقت کیا ہے؟

اصلی تصویری جائزے سے یہ پتہ چلتا ہے کہ وہ ہیڈفون جنہیں "نووا ایچ ون” کہا جاتا ہے، کان کے گرد لپٹے ہوئے ہوتے ہیں جبکہ ہیرس کی بالیاں لٹکنے والی تھیں اور کان کے چھیدوں میں پہنی گئی تھیں۔

ہیرس نے جو بالیاں پہن رکھی تھیں وہ "Tiffany & Co” کے "South Sea Pearl Earrings” لگ رہی تھیں، جن کا تعلق "Hardwear” کلیکشن سے ہے۔ ہیرس نے پہلے بھی ان سونے کی بالیوں کو اس سے قبل بھی مختلف تقریبات میں پہنا ہوا ہے۔

بحث کے قواعد و ضوابط 

خیال رہے کہ صدارتی مباحثوں میں آڈیو ہیڈ فونز استعمال کرنے کی اجازت نہیں ہوتی، اس کی شرائط کے مطابق ایک امیدوار کے بولنے پر باقی امیدواروں کے مائیکرو فون بند کردیے جاتے ہیں، بحث کے دوران امیدواروں کو کچھ لکھنے کی اجازت نہیں ہوتی، وقفے کے دوران کوئی شخص امیدواروں سے ملاقات یا بات چیت نہیں کرسکتا، اس کے علاوہ امیدوار ایک دوسرے سے سوال جواب بھی نہیں کرسکتے۔

from ARY News Urdu- International- عالمی خبریں https://ift.tt/lmCbfnZ