اسرائیلی فوج نے 55 سالہ فلسطینی اور نوجوان کو شہید کر دیا

اسرائیلی فوج نے مغربی کنارے میں 55 سالہ فلسطینی اور نوجوان کو شہید کر دیا۔

خبر رساں ادارے رائٹرز کے مطابق ایک اسرائیلی اہلکار کا کہنا ہے کہ اسرائیلی فوجیوں نے مغربی کنارے میں ایک فلسطینی نوجوان کو گولی مار کر ہلاک کر دیا جو ان کی طرف کار پر آرہا تھا اور ساتھ ہی ساتھ ایک فلسطینی راہگیر کو بھی گولی ماری۔

فوج نے کہا کہ ایک "غیر ملوث شخص” کو کار کے ڈرائیور کے علاوہ مارا گیا جس نے مغربی کنارے کے شہر ہیبرون میں ایک چوکی پر فوجیوں کی طرف "تیز رفتار کار” بڑھائی تھی۔

ایک پہلے بیان میں، فوج نے کہا کہ فوجیوں کی فائرنگ کے بعد دو "دہشت گرد” مارے گئے پھر بعد میں واضح کیا کہ واقعے میں ایک شخص ملوث تھا۔

علاوہ ازیں اسرائیلی فورسز نے مغربی کنارے کی ایمبولینس کے عملے کو گرفتار کر لیا۔

الجزیرہ کے نامہ نگار اور فلسطینی خبر رساں ادارے وفا نے رپورٹ کیا ہے کہ فوجیوں نے البیرح شہر کے داخلی راستے پر کئی گھنٹے تک ان کی گاڑی کو روکے رکھا اور پھر عملے کو گرفتار کر لیا۔

عینی شاہدین نے وفا کو بتایا کہ ایمبولینس کا تعلق سلواد کی میونسپلٹی سے تھا اور اس میں سوار دونوں پیرامیڈیکس احد سمیرات اور مجاہد ابو عالیہ کو گرفتار کیا گیا۔

from ARY News Urdu- International- عالمی خبریں https://ift.tt/JwmKvgp