امریکی صحافی نے تہران کا آنکھوں دیکھا حال بتا دیا

تہران : امریکا اور اسرائیل کی جانب سے ایران کے مختلف شہروں پر تباہ کن حملوں کے باوجود تہران میں زندگی معمول کے مطابق رواں دواں ہے۔

ایرانی دارالحکومت تہران میں معمول کی زندگی رواں دواں ہے، امریکی نیوز چینل سی این این کے رپورٹر نے کئی گھنٹے گھومنے کے بعد شہر کا آنکھوں دیکھا حال بتا دیا۔

انہوں نے پرسکون ماحول میں کافی پیتے ہوئے بتایا کہ تہران شہر کے تمام کاروباری مراکز اور علاقوں کی دکانیں کھلی ہوئی ہیں، ان دکانوں پر کافی، تازہ سبزیوں اور اشیائے خوردونوش سمیت سب کچھ دستیاب ہے۔

سی این این کی رپورٹ کے مطابق صحافی نے بتایا کہ یہاں گیس اسٹیشنز بھی کھلے ہیں جہاں لوگوں کو گیس بھی باآسانی میسر ہے، فی الحال شہر یا شہریوں میں کہیں قسم کا کوئی تناؤ نظر نہیں آ رہا ہے۔

from ARY News Urdu- International- عالمی خبریں https://ift.tt/IfD0k6v