سی ای او پی سی بی وسیم خان عہدے سے مستعفی ہوگئے

لاہور : پاکستان کرکٹ بورڈ (پی سی بی) کے چیف ایگزیکٹو وسیم خان نے استعفیٰ دے دیا ہے، انہوں نے اپنا استعفیٰ چیئرمین پی سی بی کو دیا جسے منظور کرلیا گیا۔

اس حوالے سے ذرائع کا کہنا ہے کہ وسیم خان نے گزشتہ روز چیئرمین پی سی بی رمیز راجہ کو اپنا استعفیٰ پیش کیا، وسیم خان نے کرکٹ بورڈ کے گورننگ بورڈ اجلاس میں اپنا استعفی چیئرمین پی سی بی رمیز راجہ کو پیش کیا۔

ذرائع نے بتایا ہے کہ وسیم خان نےذاتی وجوہات کے باعث استعفی دیا ہے، تاہم دوسری جانب اطلاعات یہ بھی ہیں کہ وسیم خان اختیارات میں کمی کے معاملے پر ناخوش تھے۔

واضح رہے کہ وسیم خان کے پی سی بی سے معاہدے کی مدت اگلے برس کے اوائل میں ختم ہونی تھی۔

سابق کرکٹر رمیز راجہ نے پی سی بی چیئرمین منتخب ہوجانے کے بعد وسیم خان سے ملاقات کی تھی جس میں آئندہ کے لائحہ عمل پر بات چیت ہوئی تھی۔

ذرائع کا ملاقات کے بارے مہں کہنا تھا کہ رمیز راجہ نے وسیم خان کے مستقبل سے متعلق فیصلے کے لیے2 ماہ کا وقت لیا تھا۔

The post سی ای او پی سی بی وسیم خان عہدے سے مستعفی ہوگئے appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3AWoRLq