وزیراعظم کی مثبت پالیسیاں: طویل خسارے کے بعد پی ٹی وی کو اربوں کا منافع

اسلام آباد : قومی نشریاتی ادارے کو طویل عرصہ خسارے کا سامنا کرنے کے بعد رواں برس 1.3 ارب روپے کا منافع ہوگیا۔

پاکستان کے سرکاری ٹیلی ویژن نیٹ ورک (پی ٹی وی) جو گزشتہ کئی برسوں سے مسلسل خسارے کا سامنا کررہا تھا، وزیراعظم عمران خان کی مثبت پالیسیوں کے نتیجے میں اربوں روپے کا منافع کمانے لگا۔

وفاقی وزیر اطلاعات و نشریات فواد چوہدری نے منافع کمانے کی خوشخبری اپنے ٹوئٹ کے ذریعے دی، انہوں نے بتایا کہ طویل عرصہ خسارے کے بعد رواں برس پی ٹی وی 1.3 ارب روپے منافع کما رہا ہے۔

ایک طویل عرصہ خسارے کے بعداس سال پاکستان ٹیلی ویژن 1.3 ارب روپے منافع کما رہا ہے، نیوزی لینڈ اور انگلینڈ کے دوروں کے التواء کی وجہ سے ہمارا تیس کروڑ کا نقصان ہوا اگلے سال مجھے امید ہے کہ ہم منافع کے تمام ریکارڈ توڑ لیں گے،PTV کی مینجمنٹ اور ورکرز کو اس کارکردگی پر مبارکباد

— Ch Fawad Hussain (@fawadchaudhry) September 30, 2021

اس حوالے سے فواد چوہدری کا کہنا تھا کہ نیوزی لینڈ اور انگلینڈ کے دوروں کے التواء سے 30 کروڑ روپے کا نقصان ہوا لیکن امید ہے کہ اگلے سال ہم منافع کے تمام ریکارڈز توڑیں گے۔

اس کامیابی پر وزیر اطلاعات فواد چوہدری نے پاکستان ٹیلی ویژن کی مینجمنٹ اور ملازمین کو مبارکباد پیش کی۔

The post وزیراعظم کی مثبت پالیسیاں: طویل خسارے کے بعد پی ٹی وی کو اربوں کا منافع appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3CWOcp9