منی لانڈرنگ کیس: شہباز شریف کی اہلیہ نصرت شہباز پر فردِ جرم عاٸد کردی گئی

لاہور : احتساب عدالت نے منی لانڈرنگ کیس میں شہباز شریف کی اہلیہ نصرت شہباز پر فرد جرم عاٸد کر دی اور آئندہ سماعت پر گواہان کو شہادتوں کے لیے طلب کر لیا ۔

تفصیلات کے مطابق لاہور کی احتساب عدالت کے جج نسیم احمد ورک نے شہباز شریف فیملی کے خلاف منی لانڈرنگ کیس کی سماعت کی، عدالت نے  شہباز شریف کی اہلیہ نصرت شہباز پر فرد جرم عائد کر دی ۔

علاج کے لیے بیرون ملک ہونے کے باعث نصرت شہباز کی جگہ ان کے نماٸندے محمد نواز عدالت میں پیش ہوئے ، جن کے ذریعے فرد جرم عاٸد کی گٸی ، جس کے بعد عدالت نے آٸندہ سماعت پر گواہان کو شھادتوں کے لیے طلب کر لیا ۔

دوران سماعت حمزہ شہباز نے عدالت میں پیش ہو کر حاضری مکمل کروائی تاہم شہباز شریف کی جانب سے حاضری معافی کی درخواست جمع کرواٸی گٸی۔

جس میں کہا گیا کہ سیڑھیوں سے گرنے کے باعث کمر پر چوٹ لگی ہے اور ڈاکٹرز نے دو ہفتے کے بیڈ ریسٹ کا مشور ہ دیا ہے، جس کی وجہ سے وہ عدالت میں پیش نہیں ہو سکتے ۔

عدالت نے درخواست منظور کرتے ہوٸے سماعت 18 اکتوبر تک ملتوی کر دی جبکہ احتساب عدالت نے آشیانہ اقبال ہاوسنگ اور رمضان شوگر ملز کیس کی سماعت بھی 18 اکتوبر تک ملتوی کر دی اور دونوں مقدمات میں گواہان کو شہادتوں کے لیے طلب کر لیا ۔

The post منی لانڈرنگ کیس: شہباز شریف کی اہلیہ نصرت شہباز پر فردِ جرم عاٸد کردی گئی appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3kXXP0M