مسافر پھر نئی مشکل میں پھنس گئے

کراچی سے پشاور جانے والی نجی ایئرلائن کی پرواز میں فنی خرابی کے باعث مسافر رل گئے۔

تفصیلات کے مطابق شہرقائد سے خیبرپختونخوا کے دارالحکومت جانے والی نجی ایئرلائن کی پرواز فنی خرابی کے باعث تاخیر کا شکار ہے جس کی وجہ سے مسافروں کو شدید مشکلات کا سامنا کرنا پڑ رہا ہے۔

ایئرپورٹ ذرایع کا کہنا ہے کہ نجی ایئرلائن کی پرواز 9بجے روانہ ہونا تھا لیکن جہاز میں فنی خرابی کے سبب پرواز تاخیر کا شکار ہوئی، مسافروں کو متبادل طیارے کے ذریعے بھیجا جائے گا۔

ایئرلائن انتظامیہ نے بتایا کہ پرواز کے مسافروں کو لاونج میں سہولتیں فراہم کی جارہی ہیں، انہیں متبادل پرواز کے ذریعے پشاور روانہ کیا جائے گا۔

خیال رہے کہ جہاز میں خرابی کے باعث ماضی میں بھی کئی پروازیں تاخیر کا شکار ہوچکی ہیں۔

The post مسافر پھر نئی مشکل میں پھنس گئے appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3062khJ