اسلام آباد میں ڈینگی کیسز میں تشویش ناک اضافہ

اسلام آباد: وفاقی دارالحکومت اسلام آباد میں ڈینگی کیسز میں تشویش ناک حد تک اضافہ دیکھنے میں آرہا ہے، رواں سیزن میں اب تک ڈینگی سے 5 اموات بھی ہوچکی ہیں۔

تفصیلات کے مطابق وفاقی دارالحکومت اسلام آباد میں ڈینگی کیسز میں تشویش ناک حد تک اضافہ ہوگیا، محکمہ صحت کے ذرائع کا کہنا ہے کہ اسلام آباد میں 24 گھنٹے میں 117 ڈینگی کیسز رپورٹ ہوئے۔

ذرائع کا کہنا ہے کہ رورل ایریا سے 80 اور اربن ایریا سے 37 ڈینگی کیسز رپورٹ ہوئے۔

محکمہ صحت کے مطابق رواں سیزن میں رپورٹ شدہ ڈینگی کیسز کی تعداد 932 ہوچکی ہے، رورل ایریا سے 625 اور اربن ایریا سے 307 ڈینگی کیسز سامنے آچکے ہیں۔

اسلام آباد میں رواں سیزن میں ڈینگی سے اب تک 5 اموات بھی ہوچکی ہیں۔

The post اسلام آباد میں ڈینگی کیسز میں تشویش ناک اضافہ appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3ApjYcy