پاک بھارت تعلقات میں بڑا بریک تھرو

اسلام آباد : بھارتی لوک سبھا کے اسپیکر اوم بریلہ نے چیئرمین سینیٹ صادق سنجرانی کو دورہ بھارت کی دعوت دے دی ۔

تفصیلات کے مطابق پاک بھارت تعلقات میں بڑا بریک تھرو سامنے آیا ، بھارتی لوک سبھا کے اسپیکر اوم بریلہ نے چیئرمین سینیٹ صادق سنجرانی کے نام خط لکھا، جس میں انھوں نے چیئرمین سینیٹ کو دورہ بھارت کی دعوت دی۔

صادق سنجرانی کو پبلک اکاؤنٹس کمیٹی کی صد سالہ تقریب میں شرکت کی دعوت دی گئی ہے ، خط میں کہا گیا کہ لوک سبھا،پبلک اکاؤنٹس کمیٹی کی صدسالہ تقریب کاانعقاد 4دسمبر کوہوگا، تقریب سے بھارتی صدراور وزیراعظم خطاب کریں گے۔

اسپیکر بھارتی لوک سبھا کا خط میں کہنا تھا کہ پی اےسی 100سال سےعوامی اخراجات کی نگرانی کررہی ہے، صد سالہ تقریب میں شرکت ہمارے لیےاعزاز ہوگی۔

ذرائع نے کہا ہے کہ اسپیکر بھارتی لوک سبھا کی دعوت کے بعد صادق سنجرانی کی تقریب میں شرکت سے متعلق مختلف حلقوں سے مشاورت جاری ہے۔

The post پاک بھارت تعلقات میں بڑا بریک تھرو appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3mEuNmp