فلسطینیوں کی نسل کشی، کرسمس سے متعلق اہم اعلان

فلسطینی مسلمانوں کی نسل کشی پر اسرائیل کی مسیحی برادری نے بیت الحم شہر میں کرسمس نہ منانے کا فیصلہ کیا ہے۔

بیت الحم حضرت عیسیٰ ؑ کی جائے پیدائش کی وجہ سے عیسائیوں کیلئے مقدس شہر ہے۔ ہر سال لاکھوں مسیحی زائرین یہاں کا رخ کرتے ہیں اور بھرپور انداز میں کرسمس کا تہوار مناتے ہیں۔

اس سال شہری انتظامیہ نے کرسمس کی خوشیاں نہ منانے کا فیصلہ کیا ہے۔ کرسمس کے موقع پر صرف دعائیہ تقریبات کا اہتمام ہو گا۔

مقبوضہ مغربی کنارے میں بیت الحم میونسپلٹی کا کہنا ہے کہ اس سال تہواروں میں روشنی، روایتی درخت، جشن کی تقریب نہیں ہوں گی۔

میونسپلٹی نے یہ بھی کہا کہ تعطیل کے دن غزہ پر اسرائیل کی جنگ کے متاثرین کے لیے اجتماعی اور دعاؤں پر توجہ مرکوز کرے گی۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/JZ0SjNu