ربیع الاول کا چاند دیکھنے کے لیے رویت ہلال کمیٹی کا اجلاس آج ہوگا

اسلام آباد : ربیع الاول 1443 ہجری کا چاند دیکھنے کے لیے مرکزی رویت ہلال کمیٹی کا اجلاس آج ہوگا، جس میں ربیع الاول کے چاند کی رویت کا فیصلہ کیا جائے گا۔

تفصیلات کے مطابق ماہ ربیع الاول کے چاند کی رویت کے حوالے سے مرکزی رویت ہلال کمیٹی کااجلاس آج ہوگا ، اجلاس وزارت مذہبی اموروبین المذاہب ہم آہنگی میں ہوگا، جس کی صدارت چیئرمین کمیٹی مولاناسیدمحمدعبد الخبیر آزاد کریں گے۔

اجلاس میں چیئرمین رویت ہلال کمیٹی مولاناسیدمحمدعبد الخبیر چاند نظر آنے یا نہ آنے کا اعلان کریں گے، زونل کمیٹیوں کے اجلاس لاہور، کوئٹہ اور پشاورمیں ہوں گے جبکہ محکمہ موسمیات کے نمائندے بھی اجلاس میں شریک ہوں گے۔

چاند نظر آنے کی صورت میں ملک بھر میں عید میلاد النبی 19 نومبر بروز جمعرات منائی جائے گی۔

واضح رہے ماہ ربیع الاول امت مسلمہ کے لیے خاص اہمیت کا حامل ہے کیونکہ اس مہینے نبی آخرالزماں ﷺ کی دنیا میں آمد ہوئی، پیغمبر اکرم صلی اللہ علیہ وآلہ وسلم پوری دنیا کے لئے عملی نمونہ بن کر آئے اور وہ ہر شعبے میں اس اوج کمال پر فائز ہیں کہ ان جیسا کوئی تھا اور نہ ہی قیامت تک آسکتا ہے۔

The post ربیع الاول کا چاند دیکھنے کے لیے رویت ہلال کمیٹی کا اجلاس آج ہوگا appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3oTU0fx