وزیراعظم عمران خان کا آج قوم سے ہونے والا خطاب ملتوی

اسلام آباد : وزیراعظم عمران خان کا آج کالعدم جماعت کے احتجاج سے متعلق ہونے والا قوم سے خطاب ملتوی کردیا گیا ، خطاب کیلئے وقت کا تعین جلد کیا جائےگا۔

تفصیلات کے مطابق وزیراعظم عمران خان کا آج ہونے والا قوم خطاب ملتوی کردیا گیا ، ذرائع وزیراعظم آفس کا کہنا ہے کہ عمران خان ابھی کالعدم جماعت کے احتجاج سےمتعلق مزید مشاورت کرنا چاہتے ہیں، خطاب کیلئے وقت کا تعین جلد کیا جائے گا۔

دوسری جانب وزیر اعظم عمران خان نے کالعدم جماعت کے احتجاج کے معاملے پر قوم کو اعتماد میں لینے کے ساتھ علما سے مشاورت کا بھی فیصلہ کیا ہے۔

اس سلسلے میں وزیر اعظم عمران خان نے آج سہ پہرعلمائے کرام کا اہم اجلاس بلا لیا ہے، جس میں وزیراعظم کالعدم جماعت کے مظاہرے اور مطالبات پر بات کریں گے اور مختلف مکتبہ فکر کے علمائے کا نقطہ نظرمعلوم کریں گے۔

خیال رہے وزیراعظم عمران خان نے کالعدم جماعت کے احتجاج سے متعلق قوم سے خطاب کرنا تھا، جس میں وہ احتجاج کے دوران پرُتشدد واقعات کے ‏بعد پیداشدہ صورتحال پر قوم کو اعتماد میں لیتے۔

گذشہ روز وزیراعظم عمران خان کی زیر صدارت قومی سلامتی کمیٹی کا اجلاس ہوا تھا ، جس میں مذاکرات کے دروازے نہ بند کرنے کا فیصلہ کیا گیا تھا۔

اجلاس میں ‏خفیہ اداروں نے کالعدم تحریک لبیک کے بیرونی رابطوں پر مبنی رپورٹ پیش کی تھی ، جس کے بعد قومی سلامتی کمیٹی نے سعد رضوی کر رہا نہ کرنے کا فیصلہ کیا تھا۔

وزیراعظم کا کہنا تھا کہ پولیس اہلکاروں کو مارنے والوں سے بھی کوئی رعایت نہیں ہوگی کوئی غیرقانونی مطالبہ ‏تسلیم نہیں کیا جائے گا جبکہ سول اور عسکری قیادت نے اتفاق کیا کہ ریاست کی رٹ ہر صورت قائم رکھیں گے۔

The post وزیراعظم عمران خان کا آج قوم سے ہونے والا خطاب ملتوی appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3vWX3oC